寫手V單身寡佬很多年，有一份餓不死的正職，聽他說自己買不起樓亦娶不起老婆，閒來就出來玩玩，以前多數北上，現在主要留港消費，主攻的都是些中價上樓玩意為主，不過早前聽他說，居然已經「沉船」跟一位夜場囡囡拍拖了！「玩咁多年都中招？少有喎！」我忍不住向他打聽，寫手V亦直認不諱是真有其事，「條女返骨場，新移民，幫襯過幾次，傾多咗，有咗感覺，都係嗰啲啦，交換微信噓寒問暖一下，然後就約出嚟見面……」不要以為這是甚麼漫長的過程，寫手V說，其實只是兩星期的事。
「條女係單親媽媽，有個小朋友喺上面，自己就喺香港租間板間房，放假咪上去睇細路囉，夜場女人其實心裏面都好空虛，只要畀多少少時間傾吓偈，就好易有鍾意嘅感覺，不過真定假，無人知，真係連自己都唔會知。」也不要以為寫手V只是純粹的「呃飲呃食」，他自言自己也是一條友，也有寂寞的時候，以前玩是為了生理發洩，現在年紀大了，有時更想要心靈的慰藉，「行埋都兩個月，放假咪出嚟行街、食飯囉，未來？無諗咁多喎！」
撰文：黃韋龍