所謂人旺冇幾何，一個人運到就梗係要食住個勢上啦！正如大家贏波，就算彩金少少哋都要食餐飯慶祝一番！至於能夠成功擊敗眾多強橫對手而贏得獎項，就更加要搞番個慶功宴啦！早前AV界兩位超人氣小天后三上悠亞同高橋聖子為咗慶祝得獎，就舉行慶功活動同粉絲玩樂一番，期間佢哋仲搞到粉絲（興）合合添！
有云無敵是最寂寞，又有云同行如敵國，之不過做人係咪一定要有咁多敵人呢？係咪一定要搵咁多人充當自己嘅對手呢？雖然話有競爭至會有進步，其實亦可以將對手視為朋友或者好兄弟好姊妹一齊發憤，喺日本AV界就有一個令人感動嘅好例子，佢哋就係三上悠亞同高橋聖子喇！
呢兩姊妹雖然唔同期出道，但係同樣出身於AV廠Muteki，亦同樣以前藝能人身份殺入AV界。無獨有偶，悠亞同聖子都係1993年於愛知縣出生，大家份屬同鄉，唔怪得兩人感情要好，經常出雙入對啦！早前佢哋齊齊舉辦慶功活動，慶祝悠亞喺DMM成人大獎奪得最優秀女優獎，以及高橋聖子奪得最優秀新人獎，當日有大量粉絲參加，為隆重其事，仲邀請知名AV達人宮地謙典擔任大會司儀添！
雖然宮地謙典作為一介AV達人，經常都會欣賞AV碟，亦不時會相約AV女優進行訪問，之不過，謙典喺慶祝會後坦言，見到悠亞同聖子雙雙登場，個心不禁卜卜跳，事關兩位新紮AV小天后風采迷人，令謙典哥心情緊張又興奮，難怪三人喺活動開始嘅時候進行合照，謙典哥個樣顯得有啲拘謹啦！
話明係慶祝二人喺DMM成人大獎獲得獎項，所以悠亞同聖子出場時，特別換上當日上台領獎嘅晚裝，之後兩人表示為咗答謝大家嘅支持，一於與眾同樂，話口未完，悠亞同聖子就同粉絲玩遊戲，佢哋係台上做動作，叫台下班粉絲鬥快估吓到底佢哋想表達咩意思，估中當然有獎啦！
悠亞同聖子除咗喺台上同粉絲玩「超級無敵估估吓」之外，仲同大家一齊玩包剪揼同抽獎，全場粉絲都玩得相當投入，將現場氣氛提升至高峰！至於禮物方面相當豐富，包括有兩位小天后嘅簽名寫真照、簽名寫真集等等，當中最多粉絲渴望得到嘅，一定係聖子親筆簽名嘅攬枕套喇！呢個攬枕套最正係有前後兩面，一邊係聖子嘅水着Look，另一邊就係聖子剝光豬瞓喺床，聖子身材一流，擁有「日本AV界No.1彈性巨乳」稱號，如果可以日夜攬住佢嚟瞓，實在係人生一大享受呀！
提到巨乳，兩位小天后都咁好波，當然唔會浪費一副好身材啦！轉眼間悠亞同聖子就換上泳裝進入攝影會環節，喺台上搔首弄姿畀大家影番夠本，點解我當晚唔喺現場呀！
撰文：賢