提起情慾小說，唔少人總係第一時間諗起《Fifty Shades of Grey》，或者古代中國艷情小說《金瓶梅》。其實近代中文情慾小說亦有唔少佳作，好似嚟自馬來西亞嘅作家墨甄就係其中一位，透過佢嘅著作《限時男寵》，大家便可見識到佢筆下嘅情慾世界。熱愛寫作嘅墨甄一直以成為全職作家而努力，鍾情台灣嘅佢更係一位吃貨，而佢喺描寫情慾世界嘅功力相當強。大家唔好睇見《限時男寵》呢個書名時，就以為佢係專為女性打造嘅情慾小說，查實佢係講述兩位愛情失意嘅男女主人公，遇上彼此後所發生嘅火辣情慾故事。
男主角應嘉陽性格單純、陽光、體貼同溫柔，更係一位型男，如此一個樂於為另一半付出嘅完美男人，卻總係喺拍拖半年內被女飛；女主角解千雪性格優雅又溫柔，一心追求平凡嘅愛情，卻估唔到喺結婚前夕，先至發現拍拖多年嘅未婚夫原來早已有家室！深陷情傷嘅兩人某日喺一間寵物店偶遇，萍水相逢嘅聊天竟漸漸變成互相傾訴，而同病相憐嘅兩人決心放縱一次，就係咁發生咗第一次嘅關係。一次放縱後，嘉陽厭倦繼續堅強只想依戀對方，而千雪僅希望有個如寵物般嘅男友陪伴。拋下過去、現在及未來感情包袱嘅兩人，彼此透過火辣嘅動作，及一次又一次無比嘅高潮，令心靈獲得慰藉，而一段有啲扭曲卻又供兩人可逃避現實嘅男寵之戀就咁開始。
書名：《限時男寵》
售價：約HK$70
撰文：魂