日本嘅水手服（セーラー服）不嬲係純情嘅代表，事關作為學校制服嘅佢，可以展現出女性嘅青春美。而源自英國海軍制服嘅水手服，從原本嘅白衫、方巾加及膝裙，發展到今日不但變得多樣化，而且外形仲變成性感100%嘅服裝添！
日本嘅水手服點解會成為女生校服呢？咁就要從日本嘅歷史講起。自19世紀開始，正值明治維新並推動西化運動嘅日本，將男學生制服改為西方軍官穿着被稱為「詰襟（つめえり）」嘅企領學生服，然而當時嘅女學生仍穿着和服返學。及至1920年，由美國女傳教士喺1875年創辦，位於京都市上京區嘅女校「平安女學院」，眼見穿着和服返學相當不便，於是喺迎合西化前提下，將歐洲水兵嘅水手服進行改良，變成連身套裝裙式嘅水手服。1921年位於福岡市嘅福岡英和女學校（現福岡女學院）嘅女校長Elizabeth Lee，將自己喺1917年設計嘅新制服，交畀裁縫師太田豐吉進行改良。經過3年嘅改良，終於完成水手服加過膝百褶裙嘅設計，並成為現代上下分離式女子水手服嘅先驅。
水手服嘅清純度本嚟同佢嘅密實度好有關係，愈密實就愈清純，但係換嚟性感嘅剪裁卻又別有一番美感，好似呢套由日本「No.S Project」推出嘅水手服，正正係性感度100%嘅完美體現，設計成胸圍同底褲款式嘅水手服，上半身營造出深溝效果，而下半身嘅短裙半掩住橫紋底褲，更係挑起男士們嘅大腦神經。不過邪氣極高嘅佢，只能從方巾同裙襬嘅條紋，先至會將佢同水手服聯想埋一齊。查實呢套性感服裝叫做「水手服沙灘裝」（セーラービーチウェア），冇錯，佢唔係平日穿着嘅服裝，而係沙灘玩樂嘅衣着。呢套沙灘裝有深藍同白色兩款，於7月底發售，售價16,500日圓（約1,172港元）。
同水手服有關嘅嘅動漫代表作，相信非《美少女戰士》莫屬，只係佢哋嘅戰衣變成內衣又會係乜嘢效果呢？日本女性內衣公司「Peach John」同Bandai合作推出嘅「美少女戰士內衣」系列，就係將一眾美少女戰士嘅戰衣，變成超性感嘅內衣。上半身嘅水手服本身已經夠晒短，加上低胸兼谷胸嘅設計，即使上圍唔算勁，仍能營造出胸湧澎湃效果。此外，裙頭用咗V形剪裁，令露出度大為提升，配合短裙設計更可盡情展現美腿魔力。家陣喺Bandai嘅網購平台Premium Bandai再次發售，今次仲帶嚟海王星、冥王星同水星3種款式，售價7,538日圓（約535港元）。不過日本網民稱，呢套內衣其實當面衫着一樣得，唔知女士們夠唔夠膽着出街呢？
對於水手服嘅着迷，更可以喺日本成人漫畫家兼插畫家海乃藻屑嘅作品中體現。話說有次佢睇到由日本AV片廠「Doc Plus」推出嘅作品《連日的猛暑令中暑頻頻發生！》中嘅水手服後，令佢創作靈感爆發，隨即喺Twitter上分享兩張超火辣水手服草圖，加上對豪乳有莫名嘅鍾愛，炮製出呢兩件喺日本網絡話題性極高嘅作品。令海乃藻屑如此興奮嘅原因，係因為AV中女優所穿着嘅水手服性感度100%！超短嘅百褶裙短到僅僅遮住底褲，而超細件嘅上衣更係露出南半球。至於嗰套AV內容講述連續熱到爆嘅日子，為咗避免令一眾索女中暑，於是規定少女們一定要穿着如此性感嘅水手服出街。
撰文：魂