現代嘅AV女優同上一輩嘅女優有好大分別，前者一味要夠激，中出同SM場面可以話係家常便飯，而後者喺作品當中演出一場口中爆發、自摸、一對一嘅床戰就已經可以收工。除此之外，AV女優近年愈來愈鍾意出席公開活動，好似以AV女優為骨幹成員嘅惠比壽麝香葡萄就進行全國巡迴演唱會。大家可能會問：「乜佢哋唔怕AV女優身份曝光咩？」事實上，的確係有好多女優會顧慮到自己拍AV嘅工作畀家人發現，故名字、出生日期等資料都係虛報。之不過，紙包唔住火，總係有一日會畀人發現，而後果就會好似吉咲明菜咁喇！明菜係AV廠S1本年度嘅優質新人，據悉好多人都認為佢有能力成為第二個AV小天后天使萌。點知明菜嘅下海作品甫公布就要下架，而喺S1官方網頁已經將明菜嘅一切資料刪除，究竟發生咩事呢？消息指出，明菜畀父母發現佢拍AV，由於阿妹仲未夠20歲呢個日本法定成人年齡嘅關係，法例上係需要父母批准至可以下海，咁家陣明菜先得19歲，所以父母唔畀就當然冇得再做落去，連事務所及S1都冇晒辦法，惟有放生呢位咁有潛質嘅新人啦！