M廠無敵手 邊個夠佢鬥

搵女藝人下海

日本AV廠咁多，邊間最犀利呢？有人話係S1，因為廠內嘅AV女優可謂粒粒皆星，當中更不乏天后級女優，好似明日花綺羅、三上悠亞、小島麻奈美等都係超人氣兼實力非凡之輩。不過，喺小弟同唔少AV迷心目中，近年最留意嘅都係Muteki（無敵），點解？S1雖然喺發掘新人有一手，但係廠內吸金力及人氣度最強嘅女優都係從外面羅致返嚟，反觀Muteki就唔同喇，經佢手帶入AV界嘅女優好多都能夠一炮而紅！不過話說回來，Muteki搵來嘅新人全部都早已為人所熟悉，因為佢主力從藝能界游說女藝人下海，而當中取得好成績嘅藝能人女優有好多，例如佳山三花、春菜花、原田明繪、推川悠里，到近年嘅三上悠亞、高橋聖子更成為新一代AV天后添！最近AV銷售網DMM公布上半年AV銷量排行榜，10強當中霸佔9強位置嘅AV碟分別由5位女優主演，而佢哋都係出身於Muteki，真係威過威士忌呀！

「三」「高」姊妹都要輸

咁呢５位女優係邊個咁厲害呢？分別係三上悠亞、高橋聖子、松本菜奈實、夢川麻繪以及仲村美羽，而當中氣勢同人氣最勁嘅就一定係悠亞同聖子喇！之但係佢哋嘅作品雖然打入銷量榜10強，卻冇一部作品可以成功奪得冠軍位置，唔係因為佢哋演出唔夠落力，而係藝能資歷唔夠深厚，故要輸幾個身位咁多，而冠軍人馬就係寫真女郎出身，拍過唔少電影，更加擔正做女主角嘅仲村美羽喇！其初下海AV作品《Fade In》喺6月1日正式上市，即火速奪得銷量榜冠軍，成績認真勁到得人驚，連悠亞同聖子兩位一直被AV業界公認嘅銷售怪物都望塵莫及。

樣衰冇運行

仲村美羽嘅作品能夠極速暢銷奪得DMM 上半年銷量榜冠軍，當然值得高興，不過暫時嚟講，仲村美羽喺AV界仲未有咩動靜，新作遲遲未有消息，所以好多AV迷對於仲村美羽會正式投身AV女優工作都抱有懷疑態度。而提到藝能人女優，佢哋嘅作品銷量極為理想，搞到一班根正苗紅嘅AV女優大為失色，幸好佢哋又唔差得晒，因為10強當中，由「十年一遇美巨乳」水卜櫻主演嘅《新人No.1 Style 水トさくらAVデビュー》成功躋身第9位，總算為正宗AV女優們爭一口氣，而佢亦係十強之中唯一非M廠出身嘅女優。

之但係，又唔係個個藝能人女優嘅作品都咁賣得，好似Anri就有銷量下滑嘅趨勢喇！前名坂口杏里嘅Anri挾住星二代名氣下海嘅時候，成為日本城中熱話，不過Anri被人嫌樣衰，身材又太過平板，雖然落力演出亦難獲得AV迷垂青，其作品《藝能人Anri By King》只排名第19位，乃係佢出道近一年來首隻打入銷量榜前20位嘅作品，睇嚟喺Anri冇乜突破空間，加上實在太冇觀眾緣，相信好快就會消失於AV界喇。

DMM 2017年上半年銷量排行榜10強：第1位

碟名：《Fade In》

女優：仲村美羽

第2位

碟名：《禁慾爆發焦らされオーガズム》

女優：高橋聖子

第3位

碟名：《グラビアソープ》

女優：高橋聖子

第4位

碟名：《グラビアアイドルの世界最高お姉ちゃん》

女優：高橋聖子

第5位

碟名：《轉校生はグラビアアイドル》

女優：高橋聖子

第6位

碟名：《國民的アイドルに超大量一擊ドリーム》

女優：三上悠亞

第7位

碟名：《國民的アイドル三上悠亞の31コス!》

女優：三上悠亞

第8位

碟名：《Iカップ100cm 現役グラビアアイドル》

女優：松本菜奈實

第9位

碟名：《新人No.1 Style 水トさくらAVデビュー》

女優：水卜櫻

第10位

碟名：《Perfect Body 着エロアイドル夢川エマ本番解禁》

女優：夢川麻繪

撰文：賢