日本水着女優嘅寫真集雖然好睇，而且每每都搵到大師級攝影師炮製，但係當中有部分寫真照片藝術成分太高而視覺刺激度太低，故有時被人質疑係濫竽充數。不過，今日為大家介紹嘅《UTB:G Vol.2》就絕對唔會出現呢個問題喇！因為呢本可以話係寫真專輯，收錄咗眾多人氣同狀態都相當高嘅寫真女郎精彩寫真，當中包括有今野杏南、磯山沙也加、山崎真實、岸明日香、菜乃花、吉木莉莎，連「國民情婦」橋本愛實都有份，簡直係將當代日本寫真界嘅火辣女神都盡攬其中！雖然呢本寫真集係出版社將班女優過去拍落嘅寫真重新包裝，再集合而成，可以話係炒冷飯之作，之不過只係賣百零蚊港元就可以睇晒咁多寫真女郎，而且寫真集仲附送一隻收錄咗90分鐘寫真映像嘅DVD，咁都叫做有誠意又抵買啦！