升胸巨戰Boobs好誘惑

情色俚語：Boobs 胸有玄機

學英文要學全面啲，好似女性嘅乳房咁，我哋學開嘅都係「Breast」，不過其實佢係一個泛指詞，意思係泛指整個胸部，亦由於咁嘅緣故，佢亦泛指心臟同肺部。想講得地道啲又口語啲嘅話，一對乳房可以講「Boobs」，有人話佢係個粗俗嘅講法，皆因佢定位就同我哋粵語中嘅「咪咪」差唔多，其實佢係一個俚語嚟，而講到真正粗俗，用嚟稱呼車頭燈嘅英文，應該係「Tit」同「Titty」，由於佢哋都係源自乳點同奶樽上嘅奶嘴，故此被視為粗俗嘅詞語。如果想講得文雅啲，又唔想講嚟講去都係「Breast」嘅話，可以用「Bosom」，例句：She is a big bosom woman!（佢係個巨乳女郎！）

玩樂辭典：Boob Sex 夾擊遊戲

唔知幾時開始，AV出現「夾腸仔」嘅玩法，而要玩呢個動作最重要係囡囡一定要擁有一對巨型車頭燈，至於「夾腸仔」嘅英文係點講呢？大家可以用「Boob Sex」或者更加直接嘅「Boob FXXX」，例句：She took her top off, I dropped my pants, and we had boob sex for over an hour.（佢除咗件衫，我除咗條短褲，然後我哋玩咗超過一粒鐘嘅夾腸仔。）有人就問，英文嘅情慾吹奏叫做Blow Job，咁夾腸仔又可唔可以叫Boob Job呢？嗱！英文嘅嘢就真係唔好亂用，事關Boob Job並唔係解做夾腸仔，而係有兩種意思，一種係指隆胸手術，另一種則係指乳房切除手術，大家以後唔好搞錯喇！

美國四仔系列：《Big Boob Orgy》 強勢胸戰

波濤「胸」湧嘅場面大家見過未？喺泳池同海灘度見過嘅，都唔夠呢套由美國四仔片廠Third Degree喺2008年1月推出嘅作品《Big Boob Orgy》咁「胸」湧澎湃，皆因佢搵嚟多達31位爆乳脫星演出，包括Amy Reid、Regan Reese、Rachel Roxxx、Mikayla、Emilianna等，仲有當時喺AVN頒獎禮中攞咗最佳新進脫星獎嘅Bree Olson，夠晒大陣仗，由著名四仔導演Quasarman執導，如此強勁陣容，加上片廠落力宣傳，試問又點可能唔成為話題之作呢？作品大賣之餘，更喺2009年舉辦嘅第26屆AVN頒獎禮獲得最佳大雜燴獎。由於成績理想，於是Third Degree將佢變成四仔系列，及至去年10月，該系列已推出到第5集。提起Bree Olson，當年佢認真厲害，事關佢喺2008年橫掃AVN、XRCO、F.A.M.E.、XBIZ、NightMoves及Adam Film World Guide Award等6個四仔頒獎禮嘅最佳新進脫星獎，至今仍未有人能夠破到呢個成績，係咪勁先？

日本AV系列：Dxbeppin-R尤物獎 必備胸器

高橋聖子、羽咲美晴、二階堂尤里同白石茉莉奈有乜共通點？除咗大家都擁有迷人巨乳外，更係喺今年由日本成人媒體「Dxbeppin-R」舉辦嘅「Dxbeppin-R尤物獎」中，分別獲得最優秀巨乳獎、蘿莉巨乳獎、熟女巨乳獎同豐滿巨乳獎。「Dxbeppin-R尤物獎」（デラべっぴんR グラマー賞）係自去年開始由「Dxbeppin-R」舉辦嘅頒獎禮，雖然只係一個網絡頒獎禮，但由於「Dxbeppin-R」喺日本AV界有相當江湖地位關係，故此有一定嘅公信力。不過從上年嘅終極巨乳女優獎得主Julia到今年一眾獲獎女優嚟睇，大家可以發現所謂「尤物」嘅標準，就係一定要擁有巨乳，而對於一眾AV迷嚟講，呢個標準又真係無可厚非。話說回來，「Dxbeppin-R」嘅江湖地位認真高，皆因佢嘅母公司「Deluxe Beppin」係一本早喺1985年創刊嘅成人雜誌，多年來搵過唔少著名AV女優拍攝封面，好似小森愛同美穗由紀等，更開創成人小說嘅潮流，可惜喺2004年12月25日宣告停刊，及至2015年被DMM.com所屬嘅GOT株式會社收購，並改名「Dxbeppin-R」以網絡媒體方式繼續營運。

撰文：魂