污糟邋遢嘅囡囡男人梗係唔鍾意，試諗吓，如果套胸圍底褲污糟到起晒漬，除非你有特殊癖好，否則唔會有性趣。不過大家睇完台灣呢單新聞之後，可能會問鍾意企理嘅囡囡係咪都唔係咁好呢？話說早前高雄三民第一分局嘅警方收到舉報，指轄區內有間美容院暗中提供半套服務，經過警方一番監視搜證後便採取行動，對美容院進行突擊檢查，當警方登上3樓嘅包廂房時，發現房內有兩名分別為22歲蔡姓男客，同一名53歲浙江籍余姓小姐之餘，更喺枱上發現有一個擺得相當整齊嘅已用安全套！據余女稱佢性格鍾意乾淨，為咗唔想整污糟地方，於是先喺枱上鋪上紙巾，然後將用過嘅安全套好整齊咁擺放喺紙巾上面。由於證據確鑿，故此兩人向警方坦承，以1,600元新台幣（約400港元）嘅價錢提供半套性服務。據警方稱，以往喺掃蕩呢類色情場所時，用過嘅安全套唔係隨處掉，就係掉出窗外，卻極少會擺放得咁整齊，而兩人連同美容院24歲姚姓負責人，已移交法院等候裁判。