跟情人互傳有味短訊，的確有助愛情熱度，甚至令性生活變得更加美滿。男人無啦啦做乜要用乳貼，唔通真係怕飛釘？講起日本AV，十個男人九個睇緊，如果女伴都鍾意睇AV，男士們又Like唔Like呢？
英國衞生與健康網站「DrEd.com」早前進行關於有味短訊（Sexting）嘅調查，所謂有味短訊，當中包括文字及圖片，訪問咗2,000名當地男女，結果發現當中有61%受訪者表示，平時都有發送有味短訊畀伴侶嘅習慣，同時性生活滿意度有所提升，及啪啪啪次數亦有增加。而平均每個星期發送超過一條有味短訊畀伴侶嘅受訪者中，有42%男女表示佢哋嘅性生活變得更加美滿，至於每個月發送超過一條有味短訊嘅受訪男女中，則有33%表示性生活滿意度得到提升。婚姻及家庭治療師Paul Hokemeyer解釋，呢個現象係因為有味短訊可以激發男女雙方嘅性慾賀爾蒙，從而增加佢哋喺床上嘅敏感度。此外，有36%受訪男女稱，佢哋會向一夜情或閒時炒飯嘅炮友發送有味短訊。不過，有41%嘅受訪女性表示，佢哋曾收過感到不適嘅有味短訊，另外亦有15%受訪女性表示，試過喺未經佢哋同意下，自己嘅裸照被轉發出去。
跑過長跑嘅巴打都知道，胸前兩粒釘同件跑衫係咁磨，磨得耐真係會磨損，呢個時候乳貼就幫到手，之但係男人買女用乳貼，難免感到尷尬。有見及此，日本運動用品製造商Dot就推出男士專用乳貼「Men's Nipple」，幫助男士避免出現呢個尷尬情況，以及保護胸前兩點。據稱呢款男士專用乳貼，今年已售出55,000盒，足見相當受男士歡迎。而日本雜誌《日刊SPA》曾做過一個關於女性對男士飛釘睇法嘅調查，結果有超過8成嘅受訪女士表示討厭男士飛釘，睇嚟男士同女士約會時，最好貼一對乳貼喇！而喺男士專用乳貼嘅新廣告中，講述女主角見到約會嘅男士用咗乳貼冇飛釘，相當有好感，相反對冇乳貼飛晒釘嘅男士則感到討厭，最後冇飛釘嘅男士就「得米」喇！如果巴打想增加溝女成功率嘅話，不妨考慮買呢對乳貼，一盒5對售價為1,080日圓（約77港元），若一次過買5盒仲有優惠，平均每盒約65.5港元。話時話，唔知香港女士係咪咁介意男士飛釘呢？
男人睇AV好正常，甚至成為每日嘅生活習慣，咁如果女人睇AV，男士們又點睇呢？早前日本有個兩性關係網站進行名為「女朋友的AV鑑賞」調查，問及男士知道女友喜歡睇AV嘅時候，佢哋會有乜嘢反應？網站訪問咗216位男士，結果卻出乎意料之外，因為理論上男人梗係希望同女友齊齊睇AV，但當中佔大部分嘅受訪男士竟然對女友睇AV嘅反應十分冷淡，佢哋表示鍾意睇乜嘢係女友嘅自由，所以唔會理會；其次係有17％受訪男士表示贊成女友睇AV，而且睇多啲仲好咁話；而有12%受訪男士認為女友睇AV係值得開心嘅事。不過大家唔好以為係男人都喜歡女友睇AV，事關調查發現，有9%受訪男士表示女人睇AV嘅行為唔可取，甚至話唔想同呢種女人交往，認為「睇AV嘅女人感覺好下流」、「呢種女人令人感覺好輕浮，應該會畀綠帽我戴」、「清純女人係最好嘅」等等。而小弟我就梗係唔介意女友睇AV，齊齊欣賞就最爽添啦！
撰文：魂