一本成人漫畫最重要係乜嘢？相信非巨乳女角色莫屬！理由好簡單，如果女角色身材冇睇頭嘅話，官能刺激一定會大打折扣，甚至引唔起成漫迷嘅興趣。日本成人漫畫家秋月博住不但擅長繪畫巨乳，其代表作《噢，我發射了》，更展現出佢筆下巨乳美少女嘅過人魅力。
早喺上世紀90年代初，秋月博住已經活躍於同人成人漫畫界，當時佢以大輪田泊之名推出作品，雖然畫功稚嫩，又缺乏個人風格，但係憑住出色嘅情慾故事及濕度極高嘅肉搏場面，成功爭取到唔少人氣，更被成人漫畫月刊《Comic Pot》睇中，喺月刊上發表作品，從此展開佢嘅職業成人漫畫家生涯，先後推出成漫單行本《情慾私房菜》、《Pure Prisms》以及《媽媽與一緒》，直到2004年佢轉到成人漫畫月刊《Comic Megastore H》刊載漫畫，並改用現時秋月博住嘅筆名。
呢個時候佢嘅畫功有飛躍性嘅進步，好似喺《Ane Ane Mix》中嘅女角色，外形相當迷人，尤其係充滿質感嘅巨乳更係睇到人流晒口水，之後佢有感經過逾10年嘅成漫生涯，係時候接受新挑戰，便主力繪畫插畫及商業漫畫，及至2013年12月終於迎嚟事隔多年推出嘅單行本《哥哥我受不住了！》，不過講到佢嘅代表作就一定係《噢，我發射了》。
當中收錄咗10篇單元故事，包括《JK與無人島》、《似乎被藤枝小姐算計了》、《童年玩伴的走馬燈》、《神社裏面的秘密基地》、《小柚的戀愛大作戰！》、《只能看我這邊！哥哥！》、《凸凸的好色兄妹》、《懷孕計劃的婚約生活》、《請原諒！水無瀨前輩》及《Extra漫畫 藤枝小姐的After》。呢本作品備受好評，尤其係《JK與無人島》及《童年玩伴的走馬燈》更被視為不可以錯過嘅故事。
《JK與無人島》講述男主角某日同相識多年，並一直視對方為妹妹嘅好友玲奈出海，點知遇到風浪而攔淺於一個無人島上。身穿火辣比堅尼兼巨乳身材嘅玲奈不但唔擔心，仲主動挨落男主角嘅膊頭，男方起初扮晒正人君子，到半夜時分卻偷偷走到草叢後自娛，卻被玲奈發現，更主動為男方手作一番，被慾望衝擊嘅男主角終於忍唔住同玲奈曳曳起嚟，此時玲奈表現得欲拒還迎，莫非呢一切都係玲奈嘅陰謀？
《童年玩伴的走馬燈》中嘅珠理同幸也係一對青梅竹馬，但自從珠理偷睇咗幸也屋企部電腦內藏AV後，幸也便對珠理保持距離。有日幸也去到珠理家中，而珠理卻發現對方竟然偷睇佢部電腦，於是騎喺幸也身上迫問對方係咪想嚟報復，而喺貼身嘅摩擦下，幸也被擁有巨乳身材嘅珠理挑起慾火，繼而將女方推倒床上，喺激戰途中珠理向幸也表白，原來佢暗戀幸也多時，兩人就咁正式跨過青梅竹馬嘅防線。
書名：《噢，我發射了》
作者：秋月博住
出版：Core Magazine
頁數：198頁
撰文：魂