係正嘅就點睇都正！廢話？唔係o架，例如睇女，好多時要剝光豬，男人先覺得正，才有意欲睇囉！咁有冇啲女唔剝衫覺得仲正，令人睇完再睇呢？梗係有啦，睇《Kandy》包你話正！佢係一本男士雜誌，但市場上咁多同類型刊物，點解要睇佢呢？咪因為啲寫真夠醒神囉！恕細佬膚淺，美女寫真只係其中一Part，全書過百頁，內容仲有介紹潮流衣着、體育運動、電子玩物、夜生活推介及生活品味等，無奈囡囡實在太索，相信大部分巴打都同細佬一樣只掛住(目及)女囉！但唔好以為會有露點睇噃，由創刊至今5年多，連「飛釘」都未見過，囡囡只穿着比堅尼或性感內衣，展露波罅同股罅無限任睇！咁點解唔行多步拍全裸寫真呢？雜誌內嘅寫真妹除咗係索爆素人之外，每期仲有當時得令嘅話題女星，況且雜誌表明目標觀眾係17歲以上嘅男士，咁未成年又點睇得裸體寫真呢！另外，雜誌今年踏入6周年，會有好多搞作，例如最新一期封面嚟個大選拔，36位候選性感囡囡由網民投票選出冠亞季軍，想投票嘅巴打除咗要登入雜誌官網，記得「單撈」埋佢哋個App，隨時隨地都(目及)實走勢。