風俗地圖網站搵食好方便

取代風俗案內所

以往日本玩家想去風俗店尋歡作樂，又想知道關於風俗店嘅最新情報，首選一定係去「歡樂街」嘅「風俗案內所」搵料。「歡樂街」即係我哋所講嘅紅燈區，而「風俗案內所」就係情報站，為玩家介紹紅燈區內邊度有新開嘅風俗店、邊間風俗店有新女到埗、有乜嘢折扣優惠等。不過隨住「風俗地圖」網站興起，漸漸取代風俗案內所，提供風俗店優惠資訊之餘，更成為風俗店招聘風俗孃嘅中介站。風俗孃透過網站內嘅招聘資訊，便知道佢所住嘅區域附近有邊間風俗店請人。有人話「風俗地圖」網站其實係由風俗案內所營運，不過並未得到證實，只知道佢哋嘅盈利收入主要係嚟自風俗店嘅廣告費。

網羅全日本資料

對於玩家嚟講，梗係希望能夠搵到個幫到手嘅「風俗地圖」網站，可以隨時隨地都搵到附近邊度有風俗店，以及該店嘅相關資料啦！能夠做到呢點嘅，就係喺日本數一數二嘅「口耳相傳風俗情報局」。呢個網站網羅全日本所有城市嘅風俗店資料，包括東京、大阪、福岡，甚至連沖繩都有，而所收錄嘅風俗店數量更多達23,643間，佢唔單止資料齊全，仲相當User Friendly，將各類型風俗店，好似泡泡浴、粉紅沙龍、美容店等分門別類，方便玩家揀選。呢個網站更以口碑取勝，事關佢嘅宗旨係只會介紹良心風俗店，即係過往冇畀人投訴過貨不對辦，又非屈錢黑店，難怪成為人氣最Top嘅「風俗地圖」網站。

網址：http://fujoho.jp/

東京最強出張

講到香港人最熟悉嘅日本紅燈區，相信非歌舞伎町莫屬，但東京又係咪得歌舞伎町有風俗店呢？梗係唔係啦！涉谷、池袋、鶯谷、神田等JR站沿線嘅地方都有得玩，問題係大家識唔識路。「東京Hoteheru GO」正正係專門針對東京都內所有出張風俗店而設嘅「風俗地圖」網站，玩家只需按圖預約，就可以喺酒店房內等風俗孃上門。呢個網站嘅設計相當精緻及貼心，玩家可以按「地區」、「風俗類型」、「口碑」、「短片及折扣」或「酒店」搜尋心水出張風俗店。當中嘅「口碑」搜尋一欄，更係同日本著名兼有相當公認性嘅玩家評論網站「SOD覆面調查團風俗排名」合作，尤其係對初心玩家或想試吓其他風俗店嘅玩家嚟講，有相當嘅參考價值。不過大家要留意，如果玩家冇指定想搜尋某個區域嘅話，當中嘅風俗店排名係按整個東京區嘅口碑評分嚟排列。

網址：http://www.hote-go.com/top.html

新手玩家專用

就算係經驗老到嘅玩家，面對海量嘅日本風俗店亦相當難揀，對新手玩家嚟講更係會出現選擇困難症，唔知揀乜嘢類型及邊種主題服務嘅風俗店，仲有邊位風俗孃啱自己，呢個時候風俗地圖網站「Days Navi」就可以幫到你。呢個網站除咗有齊日本各主要區域嘅風俗店資料外，仲有個最受初心玩家歡迎嘅「Best 3集」，即係網站會嚴選人氣風俗店當中，人氣最高嘅風俗孃，並將佢哋排名第1、第2及第3位，初心玩家便可以按心水選擇。另外，仲設有網上最高人氣搜尋排名嘅「Access Ranking」，等玩家知道邊間店嘅風俗孃最多人關注。如果玩家覺得排名嘅嘢好虛假，想自己深入啲認識風俗孃適唔適合自己嘅話，網站仲設有風俗孃親身分享嘅「投稿寫日記」，玩家可透過風俗孃分享嘅生活點滴，喺未接觸前了解一下佢哋。

網址：http://www.daysnavi.info/

設定路線教你行

雖然「風俗地圖」網站會指示畀玩家知道有邊間風俗店喺附近，但日本嘅道路網比較複雜，究竟點樣先至可以用最短嘅距離去到目的地呢？「名古屋風俗情報」就幫到手，玩家不但能夠知道自己身處位置嘅附近有邊間風俗店之餘，更設定埋路線，不論想步行或者揸車去目的地都相當方便。此外，呢個網站更係將風俗店細分為「Health」、「Soapland」及「Delihel」3種類型，玩家可以根據自己嘅喜好嚟揀選。玩家可以同時睇到風俗店嘅最低消費價錢，便可根據預算，揀選心水嘅風俗店。可惜呢個網站只限介紹名古屋風俗業，若然能包羅日本其他城市就更加方便。

網址：http://www.nagoya-doero.com/

撰文：魂