有人話不論睇乜嘢書，最重要就係要睇名家大作，先知道乜嘢至叫做好書，咁情慾小說嘅名家又有邊個呢？呢位嚟自美國阿拉巴馬州嘅女作家琳達‧霍華（Linda Howard），絕對係其中一位，情慾小說《暮色情濃》（Shades of Twilight）更係其代表作。出生於上世紀50年代嘅佢，10歲時已完成第一本書，並從此展開寫作生涯。1982年出版首本小說後，便專攻情慾小說，不但係美國羅曼史作家協會（Romance Writers of America）嘅創會會員，喺2005年更獲得終身成就獎，情慾著作例必登上各大書店嘅暢銷書排行榜。《暮色情濃》英文原著早喺1996年推出，最近終於推出中文版，讓大家可以了解佢筆下情慾世界嘅魅力。