日本近年因為經濟關係，多咗唔少人妻為幫補家計而投身風俗行業，當中有部分係新入行，亦有部分曾經做過風俗孃後嚟從良，家陣再出山搵錢。不過由於人妻喺日本風俗界有相當大嘅市場，雖然入行嘅人妻多咗，但仍然處於唔夠人手嘅情況。為咗滿足日本玩家對人妻風俗孃嘅需求，唔少風俗店都以魚目混珠嘅方法，假扮人妻吸客，呢種做法不但為玩家所詬病，亦對打住真正人妻旗號嘅風俗店帶嚟損失。為咗可以凸顯真人妻嘅招牌，又可以遷就人妻趁住老公返工，偷偷去做兼職，近排出現咗一種「白晝出張」嘅新類型人妻風俗店。呢類型風俗店不但主打出張服務，亦有別傳統晚上為黃金時段嘅風俗店，以白天營業為主，就以位於神奈川町田市嘅白晝出張風俗店「愛戀姬」為例，營業時間由早上10點至晚上9點，亦有部分營業時間限定於早上9點至下午5點，方便人妻風俗孃安排時間，而日本玩家表示，呢種安排令佢哋有種偷食嘅感覺。不過白天提供服務嘅風俗店，改變傳統風俗店嘅營業時間，會唔會對佢哋嘅生意帶嚟影響呢？由於呢類型風俗店仍處於萌芽階段，故此市場反應如何，仍有待時間嘅驗證。