有一種系列嘅設計，經常被日本十八禁遊戲迷稱做冇得輸嘅設計，就係蘿莉系。稱得上蘿莉系嘅作品，最大特色係遊戲中嘅女角色，雖然已經20幾30歲，卻仍然會設計成矮細身材及萌味十足。如果大家對蘿莉系女角色情有獨鍾嘅話，呢隻由日本十八禁遊戲公司Digital Cute推出嘅新作《DETECTIVE SEVEN》，絕對啱晒大家口味。遊戲中嘅女角色固然蘿莉非常，性格更係千奇百趣乜都有，總會有一個啱你心水。事實上Digital Cute一直以嚟嘅作品，都係以蘿莉女角色為主，尤其係經過上次試玩熟女系，卻換嚟銷量滑鐵盧嘅慘痛經歷後，今次回歸蘿莉系，喺新作上更係做足功課。
故事發生喺「言問學園」內，男主角比婆蠻悟跟青梅竹馬嘅霞、遠房親戚零士及摩莉耶，喺學園內成立專門研究超自然現象小組「超妍」。「超妍」？乜唔係「超研」咩？原來係組長霞寫錯字所致，而小組喺大懵組長嘅帶領下，先要面對組員不足而無法成為社團嘅資格，其後又因為各種超自然事件，例如心靈現象巢穴、靈障主題公園、絕後老家嘅謎團等事件，令各人陷入困境。隨住大家不斷解決困難，佢哋發現原來組員各人都身懷「異能」，更發現社區內正被神秘嘅力量所籠罩。究竟佢哋最後能否搵出背後嘅勢力，同時又點樣解決愈嚟愈複雜嘅情愛世界呢？呢點就要等玩家自己諗辦法喇。
開發商：Digital Cute
售價：￥8,800（約HK$616）
發售日期：2017年5月26日
撰文：魂