「YouTuber呃女」單嘢各位有冇份幫推先？講真，係呃定出於自願到今日都未知，其實網民係咪天真咗，乜有人話做YouTuber事必要用情專一嘅咩？好似外國不知有幾多脫星轉行做YouTuber而爆紅，話唔埋你都有Follow過佢哋呀！
Sandy Summers剛踏入31歲，未算好老o架咋，問心阿妹係咪好索，對奶係咪好挺，把聲係咪好甜先？細佬知道好多人今日仲J緊佢，事關四仔廠依然推出佢嘅精選作品。不過阿妹最叻唔係執劑，而係玩玩具，點解？Sandy成為人妻後專心相夫教子，結果開設咗呢個YouTube玩具頻道「Fun Toys Collector Disney Toys Review」！咁啲片咪好性感？Sorry，由阿妹2011年開始拍玩具片至今，所有片都係聲演冇樣睇，據傳媒話係Sandy嘅鄰居發現，而當事人亦冇否認，梗係啦，每集閒閒哋點擊率過10萬，訂閱人數更超過900萬，有傳媒更幫阿妹計數，單係頻道廣告收益每年已有近500萬美元，真係豪宅都買得起！
網址：https://www.youtube.com/user/DisneyCollectorBR
喺網上有人勁亦有人廢，唔係細佬話o架，係網民一致認為TilaTequila講嘢好多「廢」話！但你咪理，人哋敢用自己個名，敢出相又敢性感拍片，網民愈鬧咪愈睇，結果TilaTequila訂閱人數已突破13萬！老實講，阿妹呢個官方頻道「MissTilaTequila」基本上冇主題可言，由頭都尾都得佢行行企企亂噏一大餐，講飲講食講化妝，甚至素顏上陣講人生意義，或者網民覺得咁先夠真，所以就Follow囉！
網址：https://www.youtube.com/user/MissTilaTequila/
講Susana Spears你唔識，Zuzana Majorova又唔知乜水，咁Zuzka Light副35C-22-34無敵靚偈唔識都睇過啩？細佬夠膽講，Follow阿妹YouTube頻道嘅肯定女人多過男人，事關佢專門教做運動豐胸兼收身，女人點會唔Like？但得罪講句，今日佢嘅形象正到女神咁款，但十年前佢只係一位床上淫到出汁嘅捷克脫星，喺歐美拍過大量鹹片，前後門任爆，多P中出乜都齊，可惜巴打唔識貨，搞到阿妹改咗萬七個藝名都紅唔起，依家人哋收工唔剝，偏偏你又追住睇，咁無計啦，YouTube頻道都滿足唔到你嘅話，去埋官網慢慢睇啦！
網址：https://www.youtube.com/user/ZuzkaLight
網址：https://zuzkalight.com/zgym/
邊個話打機係男人專利？話唔定脫星仲勁過你，唔信睇吓Mia Rose嘅頻道，可惜，今日阿妹唔喺YouTube玩，改去打機網台twitch.tv直播，有近200萬訂閱，好堅呀！阿妹乜Games都啱，仲要着住低胸背心打機，睇見就諗起當年佢喺四仔界男女不拘、黑白通殺嘅淫亂場面，可惜2012年淡出改做全職打機手，好在阿妹喺社交網都有其他分享啫！
網址：https://www.twitch.tv/missmiarose
脫星做網紅，其實男優一樣掂！以惡作劇視頻vitalyzdtv而聞名嘅Vitaly Zdorovetskiy，最經典係《Miami Zombie Attack Prank!》扮喪屍周街追人，至今超過3,000萬點擊率，頻道更有超過900萬個訂閱。據講佢喺俄羅斯出生，阿媽改嫁後跟後父到美國佛羅里達州生活，但因為討厭講英文，加上後父經常對佢同阿媽又打又鬧，搞到佢性格非常反叛。為咗帶阿媽逃離呢個地獄，喺2011年Vitaly Zdorovetskiy去咗車站賣飛，期間發現一個色情公司招募電話，一心為賺快錢，就衝入成人娛樂公司Bang Bros應徵做男優。點知喺網絡成名後被傳媒發現，最終當事人都要企出嚟承認，強調人生只拍過一次四仔，諗番嗰次仲非常尷尬，梗係啦，平日專玩人嘅佢，當日拍四仔面對脫星Diamond Kitty竟然「抬唔起頭」！
網址：https://www.youtube.com/user/VitalyzdTv
撰文：祖