去過日本浸溫泉嘅人都知，風呂浴場好多都會拒絕紋身人士入場，除咗因為日本文化中視紋身係黑社會外，亦同江戶時代以紋身嚟標識罪犯有關，亦因此雖然風俗店冇規定風俗孃唔可以紋身，但部分玩家仍礙於心態關係，對紋身風俗孃抱有抗拒心態。時至今日，呢種情況開始有啲變化，好似呢間位於池袋嘅出張風俗店「Hermes」，以紋身風俗孃作為招徠。大家唔好以為呢啲風俗孃只係喺頸背或小腿紋條荊棘，原來佢哋都係紋身愛好者，每個人身上都有大大個圖案，乜嘢翔龍飛鳳，同傳統嘅日本圖騰等都有。據風俗店表示，其實佢哋並冇硬性規定風俗孃一定要有紋身，但係唔知點解原本冇紋身嘅風俗孃，之後都不期然會喺身上紋上圖案，因此莫名其妙之下就變咗吸客招牌。話說回來，乜傳統上日本嘅玩家唔係唔鍾意紋身嘅咩？有玩家表示，呢啲紋身風俗孃好有江湖味，如果享受佢哋服務嘅話，感覺自己亦有種江湖味道。另外亦有玩家稱，呢啲風俗孃好有個性，同一般體貼溫柔類型嘅風俗孃好唔同。不過講得實在啲嘅話，係同佢哋嘅收費有關，60分鐘嘅服務不過係13,000日圓（約910港元），絕對係平價之選！其實紋身同日本傳統嘅風俗服務有密不可分嘅關係，早喺江戶時嘅游女（即係家陣嘅風俗孃），會喺身上紋上恩客名字作為謝恩嘅方式。