做人冇夢想同條鹹魚有咩分別？所以有夢一定要追，哪怕世俗笑你下流無恥、傷風敗德嘅色情夢，只要大眾撐你，起咗朵，你就係權威喇！如果Anatoly當日唔係堅持鹹濕到底，今日《pro-kolgotki》雜誌就唔會面世，更加唔會衝出國際！鍾意睇美腿的巴打應該識，甚至有訂閱添，因為佢係一本實體及電子襪褲美腿雜誌，扎根喺俄羅斯，「Kolgotki」係俄文，有緊身服意思。創辦人Anatoly表示喺2012年12月決定要追隨自己夢想，拍盡全球美腿，創立網站「pro-kolgotki.com」，先推出電子版寫真供會員下載，被世界各地同好認識後，再印刷實體雜誌，依家除咗俄羅斯及歐美有售，前年開始有埋日本版，連日本仔都賞識佢，就知佢堅啦！
坦白講，Anatoly唔係乜乜專才，亦唔係富二代，佢搞雜誌純粹係好色，鍾意睇女更愛美腿，不過一定要着襪褲先會令佢產生快感，仲話世上無嘢比得上女人着住襪褲，更令人一見難忘，身材高挑嘅俄妹更係地球上着襪褲最性感嘅女人，因此佢多年來都堅持起用俄妹。講到呢度或者你已經好興奮，但係冷靜啲先，要搞清楚細佬強調係襪褲（Pantyhose）而非絲襪（Stockings），兩者分別在於前者係由腰包住籮柚一路落到腳趾，絲襪只係過膝長襪，喺網站及雜誌睇到嘅係襪褲，唔會有絲襪！都係唔理解嘅，不妨上官網由Anatoly親自解釋畀你聽，佢仲有好多口水講解襪褲比絲襪正喺邊添！而《pro-kolgotki》之所以喺眾多襪褲雜誌跑出，除咗因為夠專業外，更無限提供齊架生新女登場，加上呢本係襪褲雜誌，唔會有裸露鏡頭，似一本潮流雜誌，男女都啱睇！
書名：《pro-kolgotki》
售價：約HK$113 （電子版）
撰文：祖