如果大家有留意日本十八禁遊戲，會發現喺去年底就可以試玩、日本成人遊戲開發商SkyFish為紀念公司成立10周年而推出嘅《星空TeaParty Extra ～戀愛開始了！～》近日正式登場。由於試玩版冇乜鹽花場面，故想睇到原汁原味嘅情慾橋段，建議直接入手啦！正式版嘅故事承接試玩版劇情，講述男女主角交往一年後發生嘅事。嚟到櫻花期時分，星來野町嘅「Ｔ症」持續升溫，所謂「Ｔ症」俗稱「Tea」，係一種可以透過妄想而令虛擬世界現實化嘅能力。本嚟呢種只係思春期先至出現嘅小病，過咗思春期便會自動消失，只係有部分人仍保留呢種能力而成為超能力者，呢種能力嘅覺醒又稱為「Phenomenon」，簡稱為「P」。位於星來野町嘅學園，嚟咗愈來愈多覺醒者，當中包括可以潛入人心嘅少女愛麗絲、將生活打理得井井有條嘅純情保守少女瑛、熟悉學園黑歷史嘅少女卯月、能夠生出海洋生物公仔嘅少女音夢，不但令學園生活混亂無比，同時既熱鬧又開心！究竟玩家最終能否突破「T症」困擾，同時令生活重回正軌呢？