雖然話同行如敵國，但同行競爭唔一定係惡性，兩者亦可惺惺相惜，好似日本AV達人宮地謙典咁，佢最近頻密地訪問不同AV達人，透過對話了解對方嘅AV喜好，從而令大家了解AV達人們對女優嘅睇法。今次謙典哥訪問咗同佢一樣係男藝人嘅Alexandlia，睇吓呢個年方23歲就已經儲埋超過600隻AV嘅鹹濕仔有乜心水女優先！
如果大家去過日本旅遊，都會發現東京等大城市繁華非常，美食極多，美女當然亦唔少，但近年日本經濟疲弱，當地人都唔係咁捨得消費。事實上當地打工仔賺嘅錢唔多，之不過搵得少唔代表唔使錢，最近我就知道有位仁兄每個月都會花近十萬日圓，折約為七千蚊港紙去買AV，呢位就係男藝人Alexandlia喇！大家唔好睇呢位鬍鬚仔惡形惡相，查實佢今年得23歲咋！唔通睇得AV多，過度縱慾真係會未老先衰？講番正題，A君最近接受咗AV達人宮地謙典訪問，期間透露佢家陣每個月至少會買20隻AV之多，屋企已經儲落超過600隻AV喇！不過，A君話佢都唔算厲害，因為佢識得有人嘅使費同AV珍藏係佢嘅兩倍，日本人對AV嘅着迷程度可想而知。
A君表示自己雖然年紀細，但係睇AV已經有好多年，而佢第一次睇嘅AV係由秋真琴主演嘅錄影帶。對於A君嚟講，印象最深嘅唔係為佢「開苞」嘅秋真琴，而係已登上AV女王寶座嘅J奶女神Julia，A君仲喺謙典哥面前話最愛Julia，最嬲嘅亦係呢位女優，點解呢？A君話每次睇Julia嘅AV碟時，總有女仔打電話嚟，之但係Julia嘅演出真係令人欲罷不能，咁點算？A君咪一邊睇AV一邊傾電話，然後一邊自娛囉！雖然成日睇AV，A君絕對唔係長年留喺屋企嘅宅男，因為佢經常會參與女優嘅握手會等活動，咁耐以來一共參與過200幾次咁多，而且幾乎每次都會同女優親身接觸及合照留念。至於邊個女優最深得佢心呢？A君心目中有三位神級女優，第一位係可愛無比嘅皆野愛！A君話自己曾經同皆野愛見面，愛妹每次都表現得精神奕奕且精靈鬼馬，令佢深深着迷。
A君仲話皆野愛喺AV中表現充滿活力，每次都同男優玩到身水身汗，單係呢一點就可以睇得出愛妹係幾咁落力同時亦好享受同男優床戰。至於A君最愛嘅第二位女優係夢乃愛華，原因係愛華嘅AV演出本身已無可挑剔，但喺粉絲活動當中，愛華能親切同粉絲打成一片，做佢粉絲好似同佢做朋友咁舒服自在。至於第三位係彩乃奈奈，A君話佢說話真摯坦白，同粉絲聚會嘅時候絕不避忌，就算話題幾露骨幾鹹濕都一樣暢所欲言。咁A君又對未來嘅AV業界有咩預測呢？佢話睇好上年秋季出道嘅西宮好美喎！因為西宮好美樣子清純，入世未深嘅模樣係A君好耐都未見過，而美好緊張嘅床上表現亦值得再三回味，既然AV達人咁讚法，大家記住留意西宮好美嘅作品！
撰文：賢