有留意日本AV業界消息嘅朋友應該都知道，今年第一季當中有唔少知名女優引退，好似櫻木凜、櫻由羅等等，不過有人辭官歸故里，亦有人漏夜趕科場，舊人去、新人來之外，亦有女優復出，而有能力、有資格能夠吸引到大家期待，及留意其復出消息嘅女優卻唔係好多，最近有一個，就係妹系偶像派女優麻倉憂喇！今年27歲嘅麻倉憂活躍於2009至2013年，但係喺佢正式出道之前，阿妹已經拍過好幾部AV作品，只不過當時麻倉憂喺AV廠眼中係一個唔起眼嘅妹妹仔，只安排一個「素人女優」身份畀佢，連藝名都冇。後來麻倉憂終於得到KMP重用，而阿妹又果然冇令東家失望，加入KMP專屬陣營之後，同神咲詩織、藤井雪莉成為KMP三巨頭，為廠方振興家業！而麻倉憂亦憑住出色又落力嘅演出，及可愛無比嘅妹系能量，成功喺Sky PerfecTV成人放送大賞勇奪女優獎添！憂妹喺2013年宣告引退，同年就復出，不過氣勢同狀態都稍為減弱，近一年更加好似消失於人間一樣。不過，憂妹最近又蠢蠢欲動，除開咗個新社交網發布消息，仲表示重新投入AV拍攝工作，粉絲們唔使再日夜掛住阿妹喇！