多年前小弟由一位熟悉日本嘅好兄弟帶住去日本旅遊，期間除咗浸溫泉，去到東京就當然要去新宿歌舞伎町見識一下啦！見到好多彈珠機舖之外，梗係見到好多風俗店啦！之但係，小弟只係得個睇字未能入內幫襯，我冇講大話亦冇故作清高，而係當地風俗店一般都好少會招呼外地人。咁當地男士們幫襯風俗服務嘅比率又高唔高呢？早前一個日本網站就進行過相關調查，發現有35.6%嘅日本男士曾經幫襯過風俗店。咁佢哋點解要去搵風俗孃呢？原因可謂五花八門，當中包括單身男想搵女人慰藉一下，亦有已婚男話老婆唔同佢上床，故以報復心態搵風俗孃「過招」。至於其餘嘅64.4%男士又點解唔幫襯呢？有人就怕被捉黃腳雞，亦有人表示風俗店收費高昂喎！