演藝圈有天后級藝人，AV界亦有天后級女優，咁模特兒界又有冇天后級模特兒呢？梗係有啦！佢就係嚟自南韓嘅姜唯伊，佢喺業界擁有超高地位，樣貌同外形都冇得彈，難怪人氣極高，不愧為天后級索模。
須知道南韓索模眾多，而每年亦有唔少高質新進模特兒出道，能夠從芸芸之中突圍而出，又可以長期保持人氣高企及曝光率，真係冇番咁上下實力，確實好難做得到，而成功做到嘅自然係名副其實嘅天后級模特兒，出生於南韓首爾嘅姜唯伊就係其中之一。佢出道經過相當特別，當年喺天安外國語大學就讀嘅佢，由於外形亮麗及身材高挑，被邀請做大學就業展示會嘅Show Girl，佢抱住一試無妨心態參與，卻估唔到呢次客串演出，竟然成為進軍模特兒界嘅契機。當時佢登場令人有種驚艷感覺，同時成為鏡頭爭相拍攝嘅對象，而照片喺網上流傳後，更引起極大回響，被封為學界校花。
自此之後，唔少模特兒事務所都向姜唯伊招手，而早已決定加入模特兒界發展嘅佢，亦迅速投身行列，挾住網絡上嘅人氣，以及憑住優雅嘅氣質，入行後發展一帆風順，先後喺多個教育、農產品、電子商品展等活動以展銷女郎身份登場，而其工作量之多同曝光率之高，遠超同期出道嘅新進模特兒，幾乎每個星期都會喺展場中出現。入行之初，佢一直擔任Show Girl工作為主，及至第二年先至開始進軍車模界，喺釜山國際車展首次以車模身份示人。呢次登場令佢人氣大爆發，皆因有佢身高嘅車模，卻冇佢嗰份高雅氣質，配合玲瓏浮凸嘅身段，絕對係展場上最亮眼點，難怪火速成為炙手可熱嘅車模。
正當佢喺車模及模特兒界獲得極佳嘅發展時，發展範圍好似停咗落嚟。點解咁講呢？須知道南韓模特兒最重要就係極短嘅時間內打遍平面模特兒界、寫真模特兒界、Show Girl界、賽車女郎界等唔同界別，咁樣既可以令自己活動範圍變得更廣，搵得更多錢之餘，又可以朝住演藝界發展，呢個可以話係南韓模特兒嘅發展套路。不過對姜唯伊嚟講，卻違反咗呢種慣例，事關佢不但冇踩入其他界別，亦極少喺電視上亮相，甚至連花邊新聞都冇，唔通係嫌錢腥？佢解釋係因為工作太忙，根本冇時間做其他嘢，每周起碼出騷兩次或以上，而按呢種工作密度嚟睇，又真係冇時間做其他嘢嘅！可能有人會話：「做人最緊要有計劃，家陣夠索唔代表以後係咁正，好應該為未來而努力，做多幾瓣都好正常啫！」理論上係咁講，但實際上呢句說話對姜唯伊並唔適用，皆因佢早就已經成為模特兒界領軍人物，不但有人氣，同時又收入豐厚，據稱佢有投資南韓地產界，及從事化妝品生意。試諗吓，工作量如此繁重，同時又投資地產及搞生意，又使乜刻意發展更多範籌呢？
簡介：姜唯伊憑住高挑身材、火辣身段及優雅氣質，喺模特兒界發展順利，加上一份親切感，形象易入屋，成為現今南韓模特兒界天后級人物，當然喺背後佢亦付出過唔少努力。如果大家想了解阿妹多啲，就要Click入佢嘅IG睇睇喇！
網址：https://www.instagram.com/yui_zzang_kang/
出生地：首爾
身高：178cm
三圍：34、25、36
撰文：魂