唔知大家鍾唔鍾意充滿藝術味嘅美女呢？美女固然有好多種，但係偏偏要提到呢類型美女嘅原因，在於佢哋往往予人一種內涵美，正正係其他女性所欠缺，對男士嚟講別具一番吸引力，南韓索模崔惠然就係最佳人辦。
出生於南韓首爾嘅崔惠然來頭真係一啲都唔細，大家咪以為講緊佢嘅外形，雖然身材高挑嘅佢，擁有前凸後趷嘅火辣身材，尤其係一對激凸巨乳，往往成為焦點，配合標致嘅樣貌及甜美笑容，予人一種陽光嘅感覺。事實上畢業於首爾女子大學當代藝術系嘅佢，精於後現代繪畫及視覺藝術，係一位藝術家，單憑呢個身份就已經高班過唔少模特兒。當然，有人認為模特兒唔係一定下下講內涵，最重要係能否表現到專業水平。如果要從專業角度出發嘅話，佢嘅專業水平堪稱零瑕疵，事關以平面模特兒身份出道嘅佢，模特兒資歷本嚟已經相當深厚，而佢喺2011年時喺一本男性雜誌所舉辦嘅選美比賽中奪冠。如果仍然覺得咁仲未夠厲害嘅話，隨住人氣不斷攀升，佢更先後喺多個平面媒體上登場，專業性絕對毋庸置疑。天賦好身材嘅佢，亦唔吝嗇展現火辣身材嘅機會，只要配合到攝影主題，佢都會用一對誘人胸器吸引大家嘅眼球。事實上，憑住如此胸器，縱然稍為露出少少事業線，足以叫男士流晒鼻血。
有別於一般模特兒，雖然佢喺平面模特兒界人氣相當高，但始終冇向車模界發展，反而轉戰電玩界，自2013年開始，先後為多個網絡遊戲擔任宣傳女郎，又參與電競比賽，有人覺得既然佢喺模特兒界有如此人氣，亦係一位藝術家，點解又會參與電競比賽呢？原來極具個性嘅佢，覺得做人最重要就係多方向發展，唔可以因為自己嘅身份，而限制自己嘅發展。事實上佢唔單止積極參與電競活動，作為Cosplayer嘅佢更經常喺各個電玩展中，化身成電玩及動漫人物，展現出與別不同嘅魅力。佢笑稱其實從藝術角度嚟睇，Cosplayer同行為藝術有近似嘅地方，亦可以視為一種藝術性嘅行為，對於佢嚟講係一種唔錯嘅體驗。正正係呢種跟其他模特兒唔同嘅性格同做法，不但顯示出佢嘅個性，更展現佢敢作敢為嘅勇氣。事緣於去年初，佢喺網絡上炮轟網吧唔遵守喺2015年元旦日開始實施嘅全面禁煙法，容許人喺網吧內吸煙，不但會嚴重影響室內環境，更令非煙民遊戲迷被迫食二手煙，從呢點不但可以睇出佢對打機嘅熱愛，更展現出佢強硬嘅個性。
簡介：用百足咁多爪嚟形容崔惠然確係幾貼切，皆因佢係一位模特兒，亦係一位藝術家以及相當活躍嘅Cosplayer，可謂多才多藝。如果大家想更了解崔惠然嘅話，可以Click入佢嘅IG，當中有好多佢嘅火辣照片，必定能夠滿足到大家嘅眼球。
網址：https://www.instagram.com/jassicarabbit/
出生地：首爾
身高：168cm
三圍：35、24、35
撰文：魂