當你仲喺度抓爆頭點搵錢嘅時候，地球上有人經已賺到唔想賺，講緊唔係乜乜超級富豪咁離地，而係四仔脫星Sophie Dee，憑住一對36DD假巨乳，就可以坐定定晒波收你幾舊水月費，連執劑都冇得你睇！點解？鬼叫四仔迷上晒癮，硬係要塞錢入阿妹袋，咁好啦，依家人哋擺明搵你笨喇，畀錢啦，望！
你有幾耐冇見過Sophie Dee喺床上呻吟？3年前即2014年阿妹泊咗「挪威女王」Vicky Vette旗下VNA軍團碼頭後，就轉型做虛擬脫星，即係極少拍片廠四仔，反而瞓身個人網站玩Live Show搵真銀，之後夥拍熟女Gianna Michaels組成「巨乳Twins」穿梭美國夜場拋波撞躉做騷，唔係講笑，呢對Twins巡迴成個美國，再殺過墨西哥，跳一晚舞好過上床砌十鑊，所以Sophie Dee冇諗過返轉頭拍四仔，如果巴打上網摷阿妹嘅News，除咗見到佢喺夜場做Show之外，唔會有其他消息。
唔知巴打記唔記得，喺2011年恃住巨乳食胡嘅Sophie Dee創立咗一個叫「ToplessMovieReviews」網站，你未睇過唔出奇，但睇名直譯咪叫「裸體電影評論」囉！自稱由細到大都醉心演藝工作嘅Sophie Dee真心愛電影，無奈當年人窮志短，為幫補家計先落床砌，成名後就以Kirsty Hill之名參與主流電影演出，咁當然演技點都唔及床技咁吸引，結果咪彈唔起囉！之但係「ToplessMovieReviews」網站喺當時好受歡迎o架，Sophie Dee無上裝晒波，加上佢對電影非常熟悉，睇完套戲坐定定講影評，雖然絕無任何色情內容，但阿妹講到七情上面，手舞足蹈，相當吸睛！見勢頭好，阿妹仲捉埋一眾巨乳友好，包括Tyler Faith、Natasha Nice、Melina Mason、Mylie Moore等輪流晒波講影評，無奈Sophie Dee評論咗126套荷里活電影後，網站就暫停喇！
呢幾年Sophie Dee連搞嘢都冇時間，所以呢個影評網站摺埋好合情合理，況且有幾多人係真心聽佢講影評吖！之不過唔係你話摺就摺嘅，早前Sophie Dee宣布因徇眾要求，「ToplessMovieReviews」重新開啟，但大家咪開心得太早，事關阿妹表明要收會費外，仲要先籌旗後開台。巴打只要登入網站，會見到阿妹親自撰寫一大堆嘢，又話當年因為經營成本太高，迫於無奈關閉網站，跟住又講多年來都有無限個粉絲要求佢再做影評，咁所以阿妹大發慈悲，決定再喺鏡頭前晒波論戲！網站可唔可以成功運作，就要睇各位善長仁翁喇，分6個等級，由最低每月1美元無私奉獻，到每月75美元可獲精美潮Tee及Cap帽外，每集影評結尾字幕會打出你個大名加多句「Thank You」，名額只限5個，好威水呀！若然成事，Sophie妹就會定時定候晒波同大家分享好戲。無疑阿妹係好大波，但花幾舊水聽佢齋噏，點解唔直接睇佢嘅四仔呢？
撰文：祖