喂，依家無論政壇人物定床上脫星，有乜依郁都話要「籌旗」，即係網上眾籌呀！今日又有脫星要集資，仲唔係一個，而係三姊妹一齊嚟，為乜？唔好話細佬涼薄，係因為佢哋炒車！據成人新聞網「TRPWL」報道，早前Arya Fae、Jojo Kiss及Megan Sage三位脫星發生交通意外，被一名醉酒司機撞傷，導致無法工作，要喺家中休養，無工開即係手停口停，所以其中一位傷者Arya Fae就喺一個叫「youcaring」眾籌網叫大家募捐，目標係10,000美元，約78,000港元，其實呢個數目唔算多，三個人分，每人都係得兩萬幾蚊咋！可惜至截稿前為止，只得11位善長「淫」翁捐款，合共籌得1,240美元，距離目標金額仲差好多！老實講，三位脫星受傷係好慘，如果四仔迷唔出手相助，阿妹復出遙遙無期，到時無索女睇，慘嘅係我哋先真呀！