魚生係港女最愛，佢哋見到一片又一片嘅生魚放喺面前，肯定先瘋狂地用相機「蹂躪」一番，再食到一乾二淨。提到魚生，早前日本AV天后明日花綺羅由根據地東京去到長崎縣，目的係為咗釣吞拿魚整魚生，而綺羅一介弱質女子如此辛苦登船捕魚，原來係為咗一班好姊妹！
打仗要將士用命，最好就係領兵嘅將軍都要身先士卒親身上陣，而唔係輕輕鬆輕咁喺軍帳中作紙上談兵，自己就「印印腳」，等班手下同敵人打生打死！最近喺日本AV界亦有隊長身先士卒嘅例子，主人翁就係AV天后明日花綺羅喇！早前播出嘅深夜電視節目《麝香葡萄之夜》，隊長明日花綺羅竟然缺席，而成員湊莉久就表示隊長綺羅一直都冇試過遲到或者冇到，點解會咁呢？主持人突然話喺三日之前綺羅出咗……唔係意外，而係出發去長崎縣壹岐島，跟班漁夫出海捕魚！隨後綺羅以一身漁夫Look現身，並播放捕魚片段。原來當日綺羅喺凌晨1點去到壹岐島碼頭，等到兩點鐘上船，雖然綺羅明知捕魚會整濕身，但係一樣盛裝示人，由頭到腳嘅打扮總值120萬日圓，即係約8萬幾港元，真不愧為日本AV界富婆！
雖然綺羅着到一身上百萬嘅打扮係好醒神，但係一上船出海佢就暈得一陣陣，因為風浪頗大，搞到經常喺床上翻雲覆雨，見慣床上風浪嘅綺羅都暈船浪，需要喺船艙休息。直到天光時分，綺羅突然驚醒，未補好妝就撲出甲板，原來係有魚上釣！綺羅急急照漁夫嘅指示拎起釣竿同條魚角力，終於畀綺羅成功釣到一條吞拿魚！大家都知道綺羅係床上大食美人，一條魚梗係滿足唔到佢嘅胃口，於是佢又釣多另一條吞拿魚上嚟，咁都未算，轉個頭又畀佢釣到第三條嚟個連中三元，而每條吞拿魚身長都超過110厘米，斤両十足！捕魚經驗豐富嘅船長松本先生表示吞拿魚近年面對人類大量捕撈已經數量大減，能夠一次過釣到三條吞拿魚實在相當好彩，故封綺羅做女神！
綺羅喺節目中表示多謝船長及其他漁夫幫手，隨後一位劏魚師傅推出一條吞拿魚登場，令麝香葡萄一眾成員眼前一亮，師傅表示呢條吞拿魚價值100萬日圓！之後師傅手起刀落將吞拿魚切好，咁辛苦出海釣到呢條吞拿魚嘅綺羅，當然第一個有口福品嘗美味嘅拖羅啦！咬咗一啖，綺羅食得津津有味亦眼泛淚光，表示今次咁辛苦都係值得嘅，之後麝香葡萄嘅成員都一齊品嘗，真係令人流晒口水！至於點解節目會突然炮製出一個咁大陣仗嘅捕魚活動呢？原來喺4月16日，惠比壽★麝香葡萄會舉行名為「大拖羅‧中拖羅‧QUATTRO 2017～大漁～」演唱會，為咗幫佢哋打氣，故以演唱會之名出海捕魚，炮製出一碟碟美味拖羅畀大家食，而作為隊長嘅綺羅就身先士卒親身出海完成呢次任務嘞！
撰文：賢