「戰女神」同「Meister」系列，可以話係日本十八禁電玩廠Eushully兩大鎮廠台柱，尤其係後者，以SRPG元素大灑鹽花，確實吸引到唔少粉絲捧場。今次介紹嘅《天堂城堡Meister》，正正係「Meister」系列嘅最新登場作品。故事圍繞擅於起迷宮同修城嘅「鍛梁師」阿瓦羅，這位夢想擁有自己工場嘅男主角，接受菲魯斯王國邀請，調查一處遺迹任務，卻不幸被捲入崩塌意外之中。佢喺事故現場遇到喺魔石沉睡嘅美少女菲亞。菲亞雖然失去記憶，但堅稱自己係女神，仲話有能力起動整個遺迹，同時表示要進入禁地「神響霞廊」。由於菲亞開出可以將遺迹送畀阿瓦羅為工場嘅條件，他遂成為菲亞嘅使徒，同時展開前往禁地之旅。不過佢點都諗唔到，呢段旅程原來充滿各種戰鬥，同埋大量香艷嘅邂逅。