女性嘅豐厚朱唇，一直被男士視為性感象徵，喺日本成人漫畫中，亦經常見到擁有厚唇嘅火辣尤物。要數箇中最具代表性嘅成漫家，必定會提起吉良廣義，今次介紹嘅成漫單行本《癡女的蜜洞》，正係佢嘅代表作之一。
有留意日本成人漫畫界的話，相信會聽過吉良廣義嘅大名。呢位早喺90年代活躍於成漫同人圈嘅漫畫家，憑住其出色畫工，深受成漫迷熱愛。佢筆下嘅女角色，不但擁有豐滿嘅身材同一雙大眼睛，豐厚嘅朱唇更畀人一種性感得嚟又野性嘅味道，因此當時已有唔少人話佢筆下嘅女角一登場，已令人泛起慾火嘅感覺。
除咗女角色嘅五官迷人外，情慾場面嘅描繪亦相當有功力。激戰時女角搖晃嘅巨乳，加上高濕度嘅情慾場面，尤其係汁液亂噴嘅激情畫面，不但令床戰更添動感，亦有帶動讀者投入嘅作用。由於佢嘅作品屢獲好評，故喺1999年獲得成漫月刊《Angel俱樂部》邀請發表作品，同時正式宣告出道。自此以後，佢先後喺多本成漫月刊包括《COMIC 0EX》、《COMIC Megaplus》、《COMIC華漫》等發表新作。
憑住人氣不斷提升，佢喺2000年迎嚟首本成漫單行本《若菜老師要小心》。及後佢以每年一至兩本單行本嘅速度，不斷推出作品，當中更有不少視為經典之作，例如喺2003年4月推出嘅《妄想貴族》、2009年9月嘅《癡女惑星》等。2009年12月31日佢以成漫同人圈「Peach Hips」之名，推出10周年作品《NO PANTS, NO LIFE》，同樣極受歡迎。
據吉良廣義稱，《癡女的蜜洞》係佢推出過咁多本成漫單行本中，頁數最多，亦係畫得最艱辛嘅一本作品。雖然係咁，但佢仍覺得呢本書係代表作。書中收錄咗佢喺《COMIC華漫》發表過嘅作品，包括《癡女序曲》、《閉塞的女孩》、《秘書的癡女行為》、《為藝術而脫的男人》、《X2》、《鄰居的棒棒》、《再來一次》、《就這樣笨拙的活下去吧》、《算得準是XX 算得不準都是XX》、《蹺班釣魚》同《癡女結局》，而當中嘅《癡女序曲》同《癡女結局》係上下篇故事。書中收錄嘅故事令唔少成漫迷讚嘆不已，特別推介《秘書的癡女行為》同《蹺班釣魚》。
《秘書的癡女行為》嘅女主角遼子，係巨型企業富二代兼接班人光彥嘅秘書。雖然遼子工作能力超凡，但光彥卻係一個缺乏自信嘅人，不但令遼子覺得煩惱，連前社長亦即係光彥父親，都覺得佢未能擔大旗，這令光彥更覺氣餒。為咗令光彥重拾自信，擁有美艷樣貌同火辣身材嘅遼子，決定用自己嘅肉體為對方進行特訓，務求令對方成為一個充滿自信嘅男人！究竟呢次特訓，能否激發光彥嘅雄風呢？
《蹺班釣魚》講述從事銷售業嘅男主角小潮，因為業績差嘅關係，被巨乳女社長斥責。心情唔好嘅小潮喺公司偷走，去咗釣魚場散心。點知因為一直釣唔到魚而變得更失落，喺呢個時候佢身旁出現巨乳女釣客，請纓教小潮運用魚竿嘅技巧。不過女釣客所指嘅魚竿，原來係指小潮嘅兵器！喺對方瘋狂挑逗下，小潮終於按捺不住同女釣客交鋒，由職場失意變成情場得意。
漫畫名稱：《癡女的蜜洞》
作者：吉良廣義
出版：WANI MAGAZINE
頁數：160頁
撰文：魂