Go Go男士Rangers！戰隊覺醒

反射療法

但凡乜乜物物戰隊中，都總有個Sell靚樣嘅粉紅戰士，但係只得一個又點夠睇頭呢？因此位於東京秋葉原嘅反射療法專門店「Akbsenjya」，就將店內嘅美少女組成號稱「秋葉原唯一嘅戰隊（洗體）」，而戰隊名稱叫做「反射療法戰隊。乜嘢叫做反射療法？其實係一種按摩服務，玩法係由身穿制服嘅美少女為玩家按摩，過程中佢哋唔會剝衫，玩家亦唔可以觸碰女方，簡單嚟講即係純粹按摩。由於佢哋通常以動漫角色嘅制服嚟做包裝，故此深受宅族歡迎，即使收費為120分鐘24,000日圓（約1,632港元），仍然吸引唔少客人慕名而至。

超強洗體異能

日本嘅戰隊文化由來已久，又點會冇風俗店以戰隊作為賣點呢？呢間喺2014年開業，位於東京池袋嘅制服出張洗浴風俗店「Super洗體」，店主不但係個戰隊迷，更將一班風俗孃打造成極具特色，並號稱係池袋首個洗浴戰隊嘅「Super戰隊」！玩法係由風俗孃為玩家洗白白，跟住再提供色慾服務。據風俗店嘅宣傳介紹，現時戰隊成員多達39人，每個成員都經過科研力量打造，兼日夜不斷鍛煉，個個都擁有超強嘅洗體異能，可以令男士嘅元氣瞬間補滿，單係睇呢個宣傳已經夠晒戰隊Feel啦！咁都未算，店主更搵漫畫家為「Super戰隊」畫咗輯漫畫，講述佢哋點樣為拯救精疲力竭嘅男士而作戰，如果一對一作戰未夠喉嘅話，仲有一對二嘅玩法，呢次真係名副其實嘅「Go Go Shower Rangers」喇！

試鐘五色戰士

身為戰隊成員最重要梗係打壞人，而呢支由日本廣島出張制服風俗店「電擊戰隊Semerunger」一班工作人員所組成嘅風俗試鐘戰隊「Semerunger」，戰鬥員嘅敵人卻係一班新入籍嘅風俗孃！成員分別係紅、藍、綠、黃同黑五色戰士，而最有趣嘅地方在於佢哋清一色係男人，同埋冇粉紅戰士，因為呢支五色戰隊嘅任務係試鐘，如果係女人，又點能夠上陣呢？更何況5位戰士唔單止要寫試後報告，仲要瞓身影埋試鐘相，真係責任重大。除咗作為隊長嘅紅戰士有個人介紹外，其餘4位戰士嘅身份都相當神秘，而紅戰士嘅簡介亦相當有趣，據稱平日佢最愛用電動按摩器調教風俗孃，唔係因為有特殊癖好，查實佢係快槍手，惟有用玩按摩器為玩家率先試鐘。

及川奈央變身

如果係有番咁上下資歷嘅AV迷，都會聽過喺2000年紅極一時，AV天后級女優及川奈央嘅大名。呢位喺1981年4月21日於日本廣島出生嘅女優，於2000年喺AV界出道，憑住靚樣同火辣身材，深得AV迷歡心。可惜佢喺2003年開始呈半引退狀態，並喺2004年正式引退及轉攻藝能界。估唔到呢位紅極一時嘅AV女優，不但演技有聲有色，亦先後拍過多套特攝及戰隊片，當中除咗有2007年11月上映嘅《超人七號X》，更憑住2008年2月電視版嘅特攝片《炎神戰隊轟音者》中，性感奸角「害水大臣」凱格雷西亞而名噪一時。其後佢又參演《炎神戰隊轟音者》、《假面騎士×假面騎士W & Decade Movie大戰2010》及《海賊戰隊豪快者The Movie 飛天幽靈船》嘅電影演出。

「戰隊」有版權

日本現時特攝片有3個系列，分別係鹹蛋超人嘅「Ultraman系列」、幪面超人嘅「假面騎士系列」同埋乜乜戰隊嘅「超級戰隊系列」，而其中假面同戰隊兩個系列，都係由東映公司原創，喺1988年將「戰隊」一詞登記為其商標，因此「戰隊」呢兩字係有版權。講開戰隊系列，首部作品係喺1975年4月5日至1977年3月26日期間，喺日本朝日電視台播出嘅《秘密戰隊五連者》，香港叫《五勇士》，由佳藝電視於1978年7月1日至1978年8月19日播放，隨住佳視倒閉，結果遭腰斬。

撰文：魂