DMM大戰悠亞香奈再互片

最近日本爆發連場大戰,呢頭「AV奧斯卡」Sky PerfecTV成人放送大賞圓滿結束,另一邊即將上演「DMM.R18成人大獎」,之前鬥得難分難解嘅三上悠亞同桃乃木香奈又再同場較量,不過要贏得「最優秀女優獎」要問過天后明日花綺羅先得喇!

偷雞唔容易

日本AV界每年都會有三大盛事舉行,第一個就係Sky PerfecTV成人放送大賞,第二個係AV OPEN,第三個則係DMM.R18成人大獎。AV OPEN如無意外將會喺年尾上演,但係都要等多一陣畀相關單位正式公布詳情至可以確認,請大家耐心等候一下。至於今屆Sky PerfecTV成人放送大賞已經喺3月3日順利完成,當中最矚目嘅環節係頒發新人獎嘅時候,因為入圍名單當中有兩位新人女優極具人氣,二人爭獎爭到難分難解,最後由大食妹桃乃木香奈擊敗超級人氣王三上悠亞而奪得獎項。香奈喊住上台領獎及致詞時,就講到明希望可以攞到更多獎項,相信正係話畀大家知,佢想喺4月23日舉行嘅DMM.R18成人大獎當中再下一城!之不過,香奈能唔能夠梅開二度的確有難度,因為入圍最優秀女優獎嘅名單中,佢再次遇上宿敵三上悠亞,仲有天后明日花綺羅、安部未華子、椎名空、市川雅美、水野朝陽、白石茉莉奈、辻本杏以及園田美櫻,眾多女優喺上年都表現生猛又吸睛,香奈想偷雞都唔係咁容易呀!

聖子併奈芽

今年有份競逐最優秀女優獎嘅名單當中,明日花綺羅當然屬於超班之列,至於白石茉莉奈一樣唔弱,佢曾經喺2014年及2015年分別奪得最優秀新人獎及優秀女優獎,至於市川雅美喺上年亦拎到個話題獎,至於椎名空喺上年下半年進入「爆Seed」期,作品又多又演得夠激,一樣係好多AV迷嘅心頭好,究竟最優秀女優獎最終鹿死誰手呢?大家拭目以待。

至於最優秀新人獎方面,入圍女優包括飛鳥玲、羽咲美晴、榮川乃亞、凰香奈芽、緒奈萌、櫻美雪、戶田真琴、橋本梨菜以及高橋聖子,從呢份名單當中可以睇得出高橋聖子屬於大熱之選,話晒阿妹出道以來極受歡迎,作品銷量成績理想,轉投到Moodyz之後更加完全發揮其「日本一」超彈力美巨乳實力,加上喺上年AV OPEN頒獎禮一次過勁擸7個獎項,簡直就係怪物級新人!不過,聖子又唔係話贏硬嘅,因為Prestige專屬頂級新人凰香奈芽憑住楚楚可憐嘅萌樣以及小惡魔系風格,一樣深受大家喜愛,絕對有實力同聖子一較高下!

一票投最愛

雖然話兩個大獎當中都有女優特別突出,但係眾多入圍女優其實都係憑實力而被挑選出嚟參戰,因為大會綜合咗佢哋於2016年1月1日至12月31日之內嘅AV碟銷量成績而制訂名單,每個女優都需要有至少3部作品銷量成績於上年曾經登上DMM.com嘅AV銷量榜頭6名位置之內,有晒數據支持,絕對唔係基於大會嘅喜好而選出來o架。

另外,獎項得主嘅產生方法一樣屬於公平公開同公正,事關大會開放渠道畀大家以一人一票方式選出自己最愛嘅女優,相對於Sky PerfecTV成人放送大賞更為公平,因為STV大獎係每人每日都可以投一票,今日投呢個,聽日又可以投第二個,票選結果未能完全反映得獎女優嘅真正支持度。如果大家想投票,可以喺4月14日黃昏6點前Click上www.dmm.co.jp/en/adultaward/。除咗收集AV迷嘅網上投票,頒獎禮當晚仲會有現場投票,綜合埋1,000位來賓嘅票數再決定獎項誰屬,睇嚟班女優當晚要瞓身喺會場拉票喇!

撰文:賢