成人界興啲乜？

睇好Felicity Feline

色情界的確好多花臣，但主角始終都係女，咁梗係講女先啦！成人網站巨擎Adult Empire推介5位重點新女，當中有清純有癡女，有肉地亦有技術型，真係好全面！囡囡包括Felicity Feline、Kylie Page、Kendra Sunderland、Elena Koshka及Cyrstal Rae，假如你問我邊個最正，標準答案梗係「圖書館女郎」 Kendra Sunderland啦，苦等多年，阿妹舊年底終於落床砌，有樣有偈，真係冇得輸！之但係睇女第一講新鮮感，第二講技術，呢方面Felicity Feline就贏足九條街，佢喺片廠Evil Angel演出嘅《FXXXing Flexible 2》開通前後門兼大騷超柔軟波哋，勁到冇朋友，難怪Adult Empire睇好佢啦，再者近年美國市場潮興紋身脫星，Felicity Feline隨時取代以惡搞「小丑女」響朵嘅Kleio Valentien添呀！

智能J杯必備

有女當然要有「架生」配合啦！無論閣下睇唔睇四仔都好，今時今日無理由仲用「五姑娘」解決生理需要，而綜合多個成人網站表示，今年男人唔只要一「杯」在手，所用嘅J杯更要有智能先入流，即是話J迷用緊嘅矽膠J杯，唔好再攞出嚟獻醜，識玩一定係連接到虛擬境界，例如男用J杯名叫「Onyx」，女用震棒叫「Pearl」，不論男女版都可以透過藍牙連接智能手機，與天各一方嘅伴侶隔空執劑，亦可以配合特定四仔與脫星同步感受快慰！嫌太大陣仗，坊間仲有好多用手機App操控嘅情趣玩具，好處除咗隔空使用，亦可以隨時更新，高潮與時並進，總之情趣玩具趨勢係要同智能掛鈎先夠潮啦！

高檔色情

重口味色情喺歐美興足多年，但係嚟緊要改變喇，喪爆後門、二穴齊爆呢啲Hardcore嘢統統要讓路，成人網站以數據話畀四仔迷知，市場追求高檔色情（High Class Erotica），簡單講即係女要正，場景要靚，連內衣都要好睇，咁樣執劑先有氣氛同夠浪漫，令四仔迷睇得投入。連四仔大導Greg Lansky接受訪問時都話，浮誇性愛令觀眾作嘔，市場真正需要係「高端」色情演出，即係將男女終極性幻想變成真實，係睇完可以追求滿足，而非Hardcore嘢咁令人毛管戙！另一方面，四仔唔再由白人主導，潮流興白妹配黑男，你睇Blacked.com、Vixen.com、Tushy.com及DarkX等，都係提供異族交歡嘅四仔廠，家陣好多大廠都跟風呀！

自由脫星

以前就話樹大好遮蔭，但互聯網接通全球，係女都可以做脫星，今日即使得唔到公司力捧，一樣可以靠自己喺網上搏殺，而且市場更大，賺得更多呀！睇番90年代已同Wicked片廠簽長期合約嘅Jessica Drake及Asa Akira，大家就明白，呢兩位一姐假如今日被放生，除咗靠食老本，都唔知仲可以有乜新創意，相反一眾新人最醒目，好似Cali Carter喺今年年頭同ArchAngel簽約一個月，跟住喺一個月內拍4部四仔，砌完即撇，幾爽呀！

撰文：祖