如果大家有留意日本成人漫畫嘅女主角，會發現佢哋嘅身材玲瓏浮凸，而主流更偏向萌系美少女。既然有咁多賣萌嘅成漫女角色，點解日本人氣成漫家Toroshio筆下嘅女角色可以突圍而出？佢嘅首本成漫單行本《Juicy Girls Melt Of You》為何一出就大獲好評呢？
Toroshio最初活躍於成人漫畫同人圈，以累積繪畫經驗及人氣，同時積極爭取曝光。喺2006年8月夥拍兩位同好推出首本成漫同人誌《蟲娘愛好會》，喺書中發表首個單元作品《Final Heaven》。
呢本作品雖被今日嘅佢稱為稚嫩之作，但當時卻獲得不錯評價，更為佢喺成漫界發展打下強心針。憑住筆下眼大兼嘴細嘅萌味女角色，加上精心嘅劇情鋪排，備受成漫迷好評。不過有人覺得佢嘅作品節奏太快，往往一開始已經直入主題。但當大家細心閱讀後，卻發現佢好鍾意喺情慾之中，交代整件事嘅來龍去脈及角色嘅內心世界。呢種鋪排方法有別於大多數成漫「講完故事就曳曳」嘅公式，令佢嘅作品睇起嚟更有層次。
如此用心鋪排，令佢喺2010年獲得喺成漫月刊《COMIC快樂天》發表作品嘅機會，同時正式宣告出道。喺2012年8月迎嚟出道後首本全彩色單行本《Juicy Girls Melt Of You》，不但口碑載道，更創下銷量佳績，成為大型購物網站亞馬遜2012年十大暢銷成人漫畫之一。
《Juicy Girls Melt Of You》除咗收錄Toroshio自2010年2月至2012年5月期間，喺《COMIC快樂天》發表過嘅作品，同時收錄埋另一本成漫月刊《電擊萌王》嘅作品，分別有《櫻澤小姐的弱點》、《Darling Sharing》、《加奈同學想要變性感》、《癡的酒醉妻》、《熱情襲來！》、《求求你了！理惠老師》、《隨波逐流的購物》、《不穿內褲宣言！》、《晃來晃去淫亂亂》、《學姐為甚麼！》、《貪食姐姐》同埋《美樹小姐放寒假》。當年推出呢本漫畫時，坊間漫畫迷都稱作品嘅劇情夠輕鬆，爽快嘅節奏令人睇得舒服，加上一大班萌系美少女，甜度十足。佢哋推舉《櫻澤小姐的弱點》同《癡的酒醉妻》，係書中兩個絕對唔可以錯過嘅單元故事。
《櫻澤小姐的弱點》嘅櫻澤麻里一直被公司男同事視為女神，佢嘅男下屬梅田亦係其中之一。不過自稱草食男嘅梅田，一直唔敢展開越級追求。及至有一天，梅田誤會櫻澤同已婚部長有婚外情，為咗令櫻澤可以斬斷不倫關係，於是鼓起勇氣以自己嘅棒棒將櫻澤拉回身邊。起初櫻澤表現得相當抗拒，但喺梅田嘅情慾攻勢同埋真心表白下，櫻澤終於解放最後防線。
《癡的酒醉妻》嘅男主角徹史，雖然同女友春華拍咗拖好耐，但一直未有發生床上關係。喺新婚之夜，徹史立下決心一定要成功同春華愛愛，為咗令春華冇咁緊張，徹史諗住用清酒為對方減壓。點知飲咗一細杯酒嘅春華，不但因此而醉咗，醉後更變成一個淫蕩癡女，反客為主對徹史出手。經過一番激烈床戰後，酒醒嘅春華竟然對床戰一啲記憶都冇。
漫畫名稱：《Juicy Girls Melt Of You》
作者：Toroshio
出版：Wani Magazine Comics
頁數：121頁
撰文：魂