做人難，做爆乳風俗孃更難，事關日本有間風俗店最近推出按罩杯級數嚟計算指名費，即係話愈大波嘅風俗孃，點名費就愈貴，咁玩家自然會揀個平價錢嘅囡囡，換言之，爆乳風俗孃咪減少咗收入囉！
俗語有道「可憐之人必有可恨之處」，其實呢句說話亦可以倒轉嚟睇，變成「可恨之人必有可憐之處」。點解咁講呢？好似內地南寧市江南區嘅一間按摩店，最近就因為店內容許賣淫行為，50歲嘅李姓按摩店老闆因此而被有關當局起訴。驟眼睇落去，唔少人都覺得李男一啲都唔值得同情，皆因佢為咗搵錢而容許囡囡喺店內提供色情服務，但係當大家睇真啲嘅話，卻發現李男其實都幾可憐，原來李男喺唔少人眼中係個老實人，起初經營嘅按摩店亦規規矩矩做生意，不過由於行業競爭大關係，按摩店生意愈嚟愈差，於是自2016年4月開始，容許色情業者喺店內提供色情服務，而所有收入則以五五分帳。早前有關當局收到民眾舉報，結果李男喺掃黃行動中被捕，而佢亦主動認罪。
台灣嘅色情業界近年都鍾意租用旅館嘅房間，作為小姐交易嘅場所，皆因旅台遊客人數減少，唔少旅館長期空置大量房間，於是色情業界人士就一次過租用旅館幾個房間，既可作掩飾減低被突擊檢查嘅風險，而旅館亦唔愁生意。此外，業界人士透過網絡招攬玩家，尤其係針對熟客發送最新資訊嘅同時，再以轉帳方式過數，減低被查獲嘅風險。台灣嘅警方亦坦承，呢種營運方式確實對打擊行動造成難度，但又唔係冇晒辦法。好似早前台北市大同分局嘅警方就透過深入搜證，喺西寧北路嘅一間旅館逮捕兩名應召女郎及一名馬伕，又喺新北市逮捕應召站呂姓負責人，將一個以旅館作為交易地點嘅色情集團瓦解。
身材均稱吸引啲定係巨乳更為誘人？呢個係唔少男士爭論嘅問題，只係對風俗店嚟講，不論鍾意邊種胸形，指名料（即係點名費）都係一樣。位於大阪泉大津市嘅細身巨乳出張風俗店「Ultra之乳」，最近卻打破規矩，將旗下風俗孃按罩杯大細，劃分成唔同嘅指名料。所謂細身巨乳，即係指風俗孃身材矮小，卻擁有驕人嘅巨乳，而憑住呢種巨乳誘惑，一直深受胸奴迷嘅歡迎，店內爆乳級風俗孃嘅預約經常爆滿。為咗刺激生意額，佢哋最近就按罩杯大細而定出唔同指名料，分「網上指名料」同「本指名料」兩種，前者即係透過網上預約，後者則指入店後從寫真中揀選，而收費當然係網上預約平啲。就以店內最細胸圍E罩杯風俗孃嚟計，網絡指名料為2,000日圓（約135港元），而最巨嘅P罩杯則係13,000日圓（約881日圓），兩者相差成700幾港元，有P罩杯爆乳風俗孃表示，少咗被玩家點名，收入因此而大減，真係陰功！
撰文：魂