床戰金剛 幹出名堂

情色俚語：The King Kong 金剛捶胸

「King Kong」我哋就聽得多，咁情色俚語中嘅「The King Kong」又係乜嘢意思呢？原來佢係指男人喺性愛極度興奮一刻，做出金剛嘅招牌動作，即係大大力咁捶打自己胸部以示滿足。例句：「I felt excited during intercourse, so I decided to finish with The King Kong。（我曳曳時覺得勁興奮，因此我決定好似金剛咁完事。）男人喺高潮時開心到係咁捶打自己胸部，呢場床戰梗係正到爆啦！因此佢亦可引伸成一場美妙無比嘅性愛意思。講開捶打心口，好多人都知雄性黑猩猩會捶打自己心口，而佢哋做出呢種行為嘅原因，原來係為咗宣示主權。

玩樂辭典：Donkey Kong 剛性貼面

「Donkey Kong」係一種性愛玩法，而佢係「Donkey Punch」玩法嘅變種，因此先同大家講吓「Donkey Punch」係乜嘢嚟先。佢嘅玩法係男伴以推車仔體位走女伴後門，而喺發射一刻將兵器拔出，讓女伴嘅後門因突然有咁大空間，而令興奮度提升。至於「Donkey Kong」前半段玩法同「Donkey Punch」一樣，只係喺發射一刻，男伴極速趷低，而女伴則用臀部貼實對方面部，等男伴用塊面嚟感受後門嘅收縮。據好此道者稱，這方法有助男士嘅高潮變得更勁。老實講，好唔好玩就唔知，只知道呢種玩法都幾重口味。

美國四仔系列：《Black Kong Dong》系列 金剛巨棒

男人總希望擁有超巨型嘅兵器，皆因感到戰鬥力更強之餘，又可以顯示一下雄風！美國亦有唔少四仔，以超巨型兵器作賣點，當中最具人氣嘅四仔系列，不得不提《Black Kong Dong》。「Dong」呢個英文可解作男士兵器，前面加上「Kong」即係指片中男脫星嘅兵器，好似金剛咁強大。呢套由美國片廠White Ghetto出品嘅四仔，喺2009年推出系列頭炮《Black Kong Dong - Bent Shaft Edition》時，其實只係諗住試水溫，估唔到反應空前熱烈。連片廠都冇諗過，原來四仔迷對超巨型朱古力棒棒，激戰一眾女脫星嘅作品，喺零劇情嘅情況下，竟然可以吸引到咁多人追捧，因此決定將佢系列化推出。系列作嘅第12集同第16集，分別喺2013年及2014年嘅AVN頒獎禮中，獲得最佳跨種族四仔系列提名，至今佢已推出到第29集，認真係超人氣兼超長氣！

日本AV系列：高下繪梨香 虎背金剛

對AV迷嚟講，夢想嘅女優條件梗係樣靚身材正，只係呢種想法未免太過籠統，好似高下繪梨香縱然樣子甜美身材出眾，卻未必有好多男士能夠征服佢。喺1984年11月13日於日本東京出生嘅高下，不但擁有38F、27、38嘅魔鬼三圍數字，仲有成5呎9吋高，而且練得一身肌肉，有人甚至稱佢為虎背熊腰一族。喺2012年01月25日，佢憑住AV片廠Madonna嘅作品《前國家女排選手》宣告正式出道，以大大隻女子排球運動員嘅身份示人。大家咪以為所謂排球選手只係噱頭，起碼片中嘅佢打起排球嚟真係有板有眼，扣球力度超勁！為咗凸顯佢健壯嘅身材，AV片廠好鍾意搵班矮細男優同佢激戰。如此力量澎湃嘅女金剛，試問有邊個夠膽挑戰佢呢？

撰文：魂