女人追求男女平等，更加有唔少女人希望喺床上跟男伴同步攀上高峰。日本人亦篤信風水，最近當地有個關於溝女風水陣嘅調查，一陣就同大家睇吓有咩地方要留意！想令女伴高潮停不了，除咗靠男方嘅努力，仲有好多條件作配合嚟提起女方嘅交歡性趣先得，例如利用鬍鬚同氣味！
男女同工不同酬嘅情況相當普遍，而近年女性維權意識漸漸抬頭，如果能夠將男女嘅工作薪酬同待遇拉近，當然能夠滿足到佢哋嘅訴求。不過，我哋都只不過係打工仔，薪酬嘅事情就交畀老闆們處理啦！至於喺床上方面，男士們亦需要畀到女伴同等待遇，而唔係在意於自己嘅命根大小！早前外國有調查顯示，接近7成受訪男士表示，與新相識女伴上床之前都會擔心自己嘅命根體積未能令對方滿足，不過一個訪問咗5,196位成年女性嘅調查所得出嘅結果，就顯示唔係好多女性認為命根體積屬於重要一環，有36%女性認為充足嘅前戲係令佢哋得到高潮嘅最重要元素；其次有33%女性表示要令佢哋滿足，男方需要同佢哋同步達到高潮！至於關注男方命根大小嘅女性只有13%認為重要。不過，男人真係好難知道女伴幾時高潮喎！麻煩女士們到時開句聲好嗎？
所謂一命二運三風水，四積陰德五讀書，可見大家對於命運同風水睇得幾緊要喇！小弟對此亦深以為然，因為小時候住喺工廠區附近，呼吸道成日都有問題，要勞煩母親孭我去睇醫生，真係世上只有媽媽好。幸好，之後搬到新界地區，空氣清新，成個人都生猛番晒，家陣仲食到肥屍大隻添！除咗我哋中國人相信風水命理，其實日本人亦然，最近日本網站「Menjoy !」就溝女返屋企短敍嘅問題，訪問咗多名男士，睇吓有咩室內風水會影響到佢哋未能「成事」。調查結果顯示，最多男士表示千祈唔好將放塊鏡對住門口，因為唔少男士同女伴都係飲到醉醉哋至返屋企，但係打開門女仔見到塊鏡就成個人清醒晒，然後打道回府！其次係屋企唔好插花，不論係鮮花或乾花都唔好，因為女仔見到花就會覺得屋企有第二個女人，令佢哋打消交歡意欲。第三就係廁所唔好有雜誌、漫畫一類書刊，除咗會令女仔覺得男方不善收拾雜物，更加會覺得行逕似佢哋爸爸、叔伯等長輩，興趣亦當然會下降啦！
男女感情唔使兩情相悅都可以走埋一齊，只要一個願打，一個願捱，大致上都唔會有太大問題，拍拖多年依然未能夠心心相印大不了咪分手囉！但係喺享受床笫之歡方面，就一定唔可以夾硬嚟，最好就梗係雙方都興趣勃勃啦！之不過，有外國調查發現，近半成年女性正面對性慾不振嘅問題，咁作為一個負責任嘅男人又可以點做，以提升女伴嘅性趣呢？早前英國媒體Daily Star就為大家提供咗三項建議，等男士們唔使同女伴有身體接觸，都一樣可以撻着佢哋！第一係留鬚，根據《進化與人類行為雜誌》發表嘅一項研究顯示，男人大概唔剃鬚十日，一面鬚根咁款對於女性嚟講係最性感嘅。第二就係喺女仔面對表示出強烈自我風格，奧地利格拉茨大學一項研究發現較自戀以及我行我素嘅男人性伴侶比較多。第三係皮革嘅氣味，一個洗衣粉品牌發現女性聞到呢種味道容易動情，另外某些女性對油漆味、印刷機嘅油墨味以及汽油味都有類似反應，咁唔怪得揸電車單飛車嘅壞男孩咁多女仔鍾意啦！
撰文：賢