癡漢喺日本公共交通工具中老是常出現，鬼鬼祟祟向女乘客鹹豬手。早前喺一個活動中發現有一大班癡漢出沒，佢哋唔再藏頭露尾，聯群結隊喺車廂中搞搞震添！點解咁明目張膽？依家即刻同大家睇睇啦！
近年日本AV界由年頭到年尾都有好多大型活動舉行，例如喺第一季就有被稱為AV界奧斯卡頒獎禮嘅Sky PerfecTV成人放送大賞，之後有DMM成人大獎、KMP大獎同AV OPEN等等。不過，作為AV迷，特別係癡漢系列嘅愛好者，梗係至Like戀物祭喇！戀物祭每年都會舉辦兩次，但今年比較特別，會舉辦三次，而早前就已經上演咗「戀物祭09」，吸引過百名戀物愛好者雲集喺日本橋綿商會館，一齊感受各種戀物玩意，而經典AV女優範田紗紗、若林美保、淺田結梨、橫山夏希、井上綾子等等都有出席活動，佢哋換上性感打扮落力向到場來賓大力推銷各種戀物產品，場面相當熱鬧。
除咗一眾AV女優之外，一班知名模特兒亦悉心打扮到場表演，露胸又露臀，可謂肉光四射。之不過，大收旺場嘅未必係呢班有血有肉嘅美人兒，而係虛擬女優！家陣時興玩VR（虛擬實境），所以當日有唔少VR攤檔，吸引好多來賓戴上VR眼罩睇鹹片，攤位負責人仲安排咗個吹氣公氣畀佢哋又攬又砌，過程打得火熱，而旁邊嘅圍觀者亦睇得相當興奮！不過，小弟試過用VR眼罩打機，唔使5分鐘就頭暈兼冒汗，依家諗起都一樣覺得頭暈！咁唔玩VR，亦一樣有大把選擇，例如可以試吓裝人裙底，吓？唔係吖嘛！會畀人拉o架喎！唔使驚，只係其中一個攤位特別安排一個坐廁，玩家可以將個頭伸入去排水口向上望，就可以見到模特兒嘅裙底，呢個玩法真係夠晒癡漢！
除咗一系列「觀賞」節目，想實實在在咁感受一下戀物嘅樂趣亦一樣得！一個名為Tokyo Zentai Club嘅緊身衣愛好者組織，特設咗一個「貼身」體驗專區，製作咗一個前後都各有一層軟膠嘅箱子，玩家行入去只露出頭部，身體就會被兩層膠黏到實，感覺就好似着咗膠製緊身衫咁，據聞玩完之後身體會變得相當敏感喎！另外，仲有一系列鞭打等受刑體驗，讓人親身感受各種SM刑具帶來嘅痛快感覺。被人打到痛咩？唔緊要！因為設有M男診所，由SM界知名模特兒扮成護士「招呼」大家，好此道者必定Like。最後，見到場內有處人頭湧湧，班麻甩佬逼逼吓又笑吟吟，到底玩緊乜呢？原來場內有「癡漢體驗電車」，「癡漢們」可以喺一個模擬車廂當中同一位美人兒一齊逼來逼來，不過就眼看手勿動，只係可以感受肉體互相緊迫嘅感覺而已，但係都算係過足癮啦！
撰文：賢