近年有唔少玩時空穿越嘅劇集出現，呢類題材亦常見於日本成人遊戲，好似日本成人遊戲廠Laplacian開發嘅新作《牛頓與蘋果樹》，就係一個好例子。故事講述男主角修二喺一次偶然情況下，無端端去咗17世紀嘅英國，因為佢嘅魯莽，竟然打擾咗喺蘋果樹下嘅美少女牛頓（呢套作品嘅牛頓竟然係美少女！），亦因此令佢睇唔到蘋果掉下一刻，導致領悟唔到萬有引力！呢次同美少女牛頓嘅邂逅，竟然將修二帶咗去英國著名學府劍橋大學做研究。修二為咗修正萬有引力定律，對後世科學影響深遠嘅學說，同時補救由佢引起嘅歷史偏差，要使出渾身解數收拾殘局。