無論係AV中嘅女優，定係成人漫畫內嘅女角，要數最吸睛及誘人嘅部位，雙子峰必入三甲。前者只需搵個好波哋嘅女優就得，後者卻要講求成漫家嘅畫工。講到精於描乳之道嘅天才，神毛物由宇可說是當中代表人物，呢點可以喺佢嘅單行本《Drip Lover》體驗得到。
男人總係對雙子峰抱有無比嘅熱愛，日本成人漫畫家神毛物由宇，不但冇掩飾佢對豐乳嘅熱情，為咗能透過手上嘅畫筆，將每位男士都為之雀躍嘅美乳展現出來，佢喺描乳之道下過唔少苦功。所謂描乳之道，就係繪畫雙峰嘅技巧，唔少人以為畫個大大嘅圓形，就係迷人嘅巨乳，但佢卻有自己一套睇法。佢認為雙峰嘅形狀有好多種，每種各有迷人之處，而且迷人嘅雙峰並非坦蕩蕩露晒出嚟，反而透過緊身上衣營造嘅擠爆感，先至最為動人。正因為佢有咁嘅睇法，故喺2008年活躍於成漫同人圈時，佢嘅作品個個女角都逼爆上圍，透過呢種幾乎破衫而出嘅感覺，備受成漫迷好評。及至2009年，佢推出第一本同人誌《fatalism》，令佢嘅人氣飆升。
雖然佢喺成漫同人界頗具人氣，但講到真正喺成漫月刊發表作品，卻要等到2012年。當時獲得成漫月刊《COMIC PENGUIN CLUB 山賊版》邀請，推出首作《冷酷系肉食女友》，自此佢以呢本月刊作為發表作品基地，更獲得描乳神手之名，最終喺2014年8月迎嚟佢首本成漫單行本作品《Drip Lover》。
《Drip Lover》是神毛物由宇暫時唯一一本單行本，書中收錄咗佢自2012年至2014年間，於《COMIC PENGUIN CLUB 山賊版》發表過嘅作品，當中包括《水滴式戀情》、《義妹的按摩》、《傳說中的魔女小姐》、《少年視線》、《妹尻》、《高嶺之花隱藏花刺》、《不要生氣嘛！伊織姐姐》、《誘惑魅惑女僕小姐》、《我養的貓！？》、《冷酷系肉食女友》及《這對胸部讓我沒法忍下去》共11個單元故事。當年推出呢本作品後，唔少成漫評論家都對佢嘅描乳技巧讚不絕口，亦吸引到唔少「胸奴」漫畫迷搶購。講到當中最值得推介嘅故事，首推《誘惑魅惑女僕小姐》同《我養的貓！？》。
《誘惑魅惑女僕小姐》嘅男主角九朗自從雙親離世後，一直過住孤兒仔嘅刻苦生活，估唔到佢從未見過嘅爺爺係富翁，對方喺去世前將龐大遺產交畀九朗，當中仲包括一群美艷女僕！新生活最令九朗適應唔到嘅係全天候被女僕照顧，更經常被對方挑逗，喺乾柴遇上烈火嘅情況下激戰起嚟，但喺床上交鋒之時，門外仲有一班流晒口水嘅女僕窺探緊。
《我養的貓！？》嘅男主角小巧有日喺街上見到隻受傷嘅流浪貓，於是將佢帶返屋企照顧，估唔到對方竟然係貓妖！化成人形美少女嘅貓妖稱，如果小巧將佢趕走嘅話，會將佢嘅私生活曝光，小巧惟有讓對方繼續留下。為報答小巧嘅收留，貓妖決定以火辣身體滿足對方。不過小巧並唔知道原來貓妖經過開苞後，從此只能以人形生活，換言之，兩人同居嘅生活就咁開始。
漫畫名稱：《Drip Lover》
作者：神毛物由宇
出版：富士美出版社
頁數：210頁
撰文：魂