取悅女伴唔一定要G點

雙重刺激

女性嘅G點是否存在眾說紛紜，有科學家話有，亦有人研究過之後話冇。然而，大家花咁多心機同時間去研究G點嘅存在都係為咗喺床上令女性高潮迭起啫，而要達到呢個目的其實又唔一定要搵到G點所在，刺激女性其他四個敏感點亦一樣得。最近，新聞網站Daily Star就有床上專家為大家提供相關建議，第一點係刺激O點，亦即係陰道內深入少少嘅位置；而第二點係子宮頸位置，專家話女性喺排卵期嘅時候刺激呢個部位特別容易令佢哋得到高潮；第三點係A點，即係陰道最深處位置，唔係個個男人嘅小弟弟都夠長可以刺激到呢個位置，咁就可以考慮使用震棒喇。至於第四點就係會陰位置，專家話男士可以試吓喺抽送嘅時候，用手指輕按女方嘅會陰，咁就可以增加女伴達到高潮嘅機會喇。

要有主見

雖然話一次生，兩次熟，但係同女仔初初相識，出過第一次街之後再第二次約會，彼此之間嘅認識相信都未係好深入，未算得上熟落。然而，男士嘅耐性始終都係有限，第一次出街未能夠「得米」，就好想喺第二次取得成功，盡快結束漫長嘅等待。其實女仔肯同男仔出第二次街，成功機會已經比第一次提高不少，但係仲有事情需要注意，最近日本網站「Menjoy!」就訪問咗多位成年女性，問佢哋喺第二次約會當中，有咩因素令佢哋唔會考慮同男方「深入了解」。第一個原因相信大家都知道，就係喺約會嘅時候狂玩手機，有受訪女性表示男方咁做擺明就係唔尊重佢哋，亦會認為男方係魚網撒網，同時溝緊多個女仔。第二個原因係冇主見，女方提出任何要求男方都話好，食飯時點餐男方又唔知食乜好，咁簡單嘅事情都冇主見，上到床相信都只係敷衍了事啦！第三就係問到有關用錢嘅問題，女仔話咁問法會覺得男方比較孤寒，搵地方爆房都要攤分房租。第四係談及前度女友，女仔會覺得男方咁講係想將自己同前度作比較，就算唔係，亦會覺得男方對前度念念不忘，令女方身份間接被貶低。

叫出興奮

有人話一個眼神勝過千言萬語，但係有時簡單又含義清楚嘅說話，就勝過大家需要估估吓喇！例如同女仔食飯，問佢哋食乜好，佢哋明明就鍾意，甚至心入面已經決定要食日式放題，當你提議去其他餐廳，佢哋就猛擰頭，其實講清楚咪得囉！而喺床上面無論大家幾忙碌都好，最好要開句聲嚟表達愛意！性學專家Pam Spurr博士表示，經過調查發現，有66%受訪女性認為佢哋喺床戰時發出呻吟聲，可以令男伴更快達到高潮，另外亦有87%女性認為呻吟可以增強男伴嘅床上自信心。不過，專家就話好多時男方都因為要保持尊嚴，而喺床戰嘅時候合埋把口，但係咁做就會令女方感到困惑，因為唔出聲就令女方唔知你係咪享受其中。另外專家仲表示就算床戰時男方唔出聲，喺女方吹奏嘅時候記住要發出呻吟，因為好多女性都享受吹奏呢一刻，亦希望男方發出聲音嚟認同其口技，亦可以令女方更為興奮同落力。

撰文：賢