由日本人氣動畫《天元突破 紅蓮螺巖》監督今石洋之領軍創作嘅《KILL la KILL》，貫徹其熱血主義獲得極高人氣，動畫中嘅女主角纏流子，唔單止個性勇猛，超性感嘅造型更令人流晒鼻血。不過佢新登場嘅模型，卻一反剛猛形象，改以性感兔女郎造型示人，不但具有新鮮感，更令人體驗到女人味添！動畫中嘅纏流子經常穿上戰衣「鮮血」激戰，不過喺呢個模型中，卻見唔到嗰陣血腥味，反而以低胸加黑色魚網絲襪嘅兔女郎裝示人。須知道動畫嘅纏流子身材已經相當迷人，尤其係一對美乳更令人流晒口水，家陣以如此性感嘅造型登場，絕對滿足到唔少粉絲嘅幻想。有趣嘅係原型師應該知道纏流子唔鍾意露肉嘅性格，故此模型頭雕黑起口面，真係襯晒佢嘅個性呀！