幾個人被困喺一個空間內，然後按着神秘聲音去做事，否則大家都冇好下場，呢個橋段係咪有啲似電影《恐懼鬥室》呢？不過呢個由日本成人遊戲廠Xuse推出嘅作品《神的遊戲 －被監禁的男女6人－》，雖然橋段恐怖得嚟帶點老套，但加入香艷嘅劇情令人充滿期待。故事講述男主角桐山一馬，同5名女性突然被囚禁喺一個陌生嘅房間，一個神秘光球自稱為神，宣告神之遊戲正式開始。眾人起初唔聽佢講，點知呢個時候光球發出強光，眾人不是斷手就是爆肚。正當大家驚懼不已之際，又突然恢復番晒。神嘅手段咁誇張，叫人點可以唔跟住佢嘅要求做呢？至於遊戲規則都幾複雜，好似所有女性都獲得7點生存點數，而男主角則冇生存點數；女性每生存一日就會扣2點生存點數；如果想補充點數就要同男主角曳曳；若有3名女性死亡嘅話，男主角亦會死，而其餘女性則可釋放；如果大家能夠生存15天，所有人都能獲釋等等。不過，最重要係神覺得無聊嘅話，係可以改變規則，呢個設定叫人點玩呀！