四仔模範夫妻勝在夠假

相敬如賓？

係咪睇得鹹網太多，已經冇興趣再睇鹹濕雜誌？咁你就睇少好多正嘢喇！早前AVN網上雜誌2月號，就情人節檔期，專訪業界多位公認模範夫妻，了解佢哋嘅工作、相處及愛情生活習慣，包括係男人都「葡萄」嘅Manuel Ferrara及Kayden Kross，仲有Mick Blue及Anikka Albrite、棍王Lexington Steele及Savana Styles，以及13年來都恩愛如昔嘅Brad Armstrong及Jessica Drake伉儷。而細佬就精華咗呢個訪問畀大家睇，假如巴打都想學呢幾對四仔夫妻咁相敬如賓，唔使花心思，亦唔使花錢，只要夠假就得喇！

政治婚姻

咩叫政治婚姻？字面解咪男女互相犧牲自己嘅幸福而滿足政治及經濟目的而結合囉！如果四仔界都有政治婚姻，咁Jessica Drake 同Brad Armstrong肯肯定係最早一對啦！Jessica Drake係紅爆90年代脫星，依家仲榮升做「性學家」添，但其實咁多年佢感情都冇乜着落；而現年51歲嘅Brad Armstrong咪睇佢今日係出品人、監製、導演及男優身兼多職好威水，查實當初佢喺加拿大做Dancer咋，識咗空虛寂寞嘅Jessica姐後，兩人喺2006年拉埋天窗，不過係人都知Brad娶Jessica無非為咗同前妻盤「生意」囉！而佢前妻就係家喻戶曉嘅Jenna Jameson，咁好難怪人話佢哋係政治婚姻囉！

美女與野獸

女人想有人錫，最緊要揀件野獸，所指唔係外貌，而係床上野獸呀！有黑棍王之稱嘅黑人男優Lexington Steele，入行十幾年地位都未受挑戰，佢外形唔討好，但支炮非常堅，而佢老婆脫星Savana Styles最識食，知道男人冇本心，所以拍拖2年後就嫁畀「棍王」，依家已淡出幕前，專心做少奶奶，係咪醒目先？其實棍王呢啲先係「筍盤」呀，外形唔討好一定唔多女埋身，加上棍王未入行前喺華爾街做投資分析員，身家豐厚，加埋支巨炮，晚晚有高潮呀！

大男人主義

唔想一世都畀女人食住，男人記住，不論性格係大男人定小男人，有理無理都惡咗先咁就無死錯人喇！四仔界人辦有Manuel Ferrara，呢位意大利男優娶到女神脫星Kayden Kross經已威水啦，仲要冧掂老婆幫佢生女，之後仲要對外幫老婆開口宣布引退，大男人到冇朋友！而Kayden曾喺雜誌訪問自爆話婚前老公講到明，唔容許佢同任何男人有性接觸，之但係男方就要繼續喺四仔界搏殺，理由係要養家喎！

享齊人之福

被喻為四仔界模範夫妻嘅Mick Blue及Anikka Albrite，結婚3年，恩愛有增無減，人前人後都幸福滿瀉，究竟佢哋嘅夫妻經營之道係乜呢？就係各有各玩呀！兩位既係脫星界最佳男女演員，由婚前到婚後都愛同性分開又可共存，Mick少繼續開發新女，Anikka姐繼續挑戰淫亂底線，婚後仲成立Bam Vison製作室，齊齊拍片搵錢，咁自由奔放嘅婚姻關係，你話點會唔開心，邊得嚟有交嗌呢？

撰文：祖