脫星Nina Kayy你都唔識？肯定你勁少留意歐美色情界新聞啦！坦白講，Nina Kayy呢個朵，細佬都唔係認識好耐，所以唔會扮專家，反而對Riley Knight呢個名仲有啲印象，其實兩個咪又係同一人！咁點解今期阿妹喺網上爆紅，討論區四仔迷都集中講佢？皆因阿妹明白四仔遊戲規則囉！
見利忘義、見錢開眼、急功近利，話之你用乜嘢形容Nina Kayy，總之佢搵銀至上，上位最緊要，呢個就係佢加入脫星界嘅理由。明白嘅，剝得衫落場砌，唔通同你談情咩？所以Nina妹下下講錢絕對無問題，有問題嘅只係各位老細咋！Nina Kayy有乜咁巴閉，又有乜條件走紅呢？講索冇佢份，爛砌又唔講得，由上年9月到依家先得嗰兩三套四仔派街，雖然話嚟緊排住隊推出作品啫，但齊架生嘅囡囡一街都係，莫非Nina妹好有個人特色？巴打唔使諗咁多，阿妹一字咁淺，乜都講錢！喺2010年，佢以藝名Riley Knight出道，拍住Bang Bros、Reality Kings呢類大廠拍四仔，可惜女主角冇佢份，演技又半桶水，結果四仔迷都未嚟得切批評，阿妹已率先離隊去夜場跳舞搵食，挾住脫星個朵都可以呃到兩餐食，再者，佢齊晒架生，雖然34F咪咪係假奶，但假得嚟夠真，肯定落咗唔少本去整啦！半年前佢改以現有名字復出，連成人成人新聞網站都有報道㗎！
7年前入行，撈唔夠一年就退出，四仔迷對於Riley Knight呢個名早就忘記得一乾二淨，之後阿妹以Nina Kayy之名加盟熟女脫星Kendra Lust嗰間Society 15經理人公司，點知一個月唔夠，阿妹過底Skyn Talent，呢間經理人公司之唔係Isis Love㗎囉，阿妹咁做，擺明係剃熟女Kendra Lust嘅眼眉，嫌佢公司冇料到，未夠班幫佢接Job。而兩位當事人更一唱一和，老闆Isis讚Nina有商業頭腦，係四仔界人才，而Nina亦落晒鞋油話可以同Skyn Talent呢啲偉大團隊共事，令佢高潮滿瀉，所以決定復出玩吓Solo同男女大戰，依家新增到前後門、群揪、異族性愛等等，總之有錢就有得傾啦！
至於畀人過咗戙嘅Kendra Lust暫時未有回應，但因為呢件事Nina Kayy呢個名喺網上紅到爆，老老實實，Nina妹嘅四仔唔係咁精彩，但副偈的確呃得人，兼且識耍手段製造人氣，極速上位啦！不過大家咪以為阿妹會對Skyn Talent經理人公司玩真心，出晒名見錢開眼嘅Nina，早前成立個人官網，一睇就知佢遲早會起Isis Love飛腳啦！
撰文：祖