女人上床得到高潮，除咗開心之外，個人都會靚啲（口架）！講到高潮，當然要揀個合適嘅體位至得，唔知邊個體位最受歡迎呢？想玩多幾個體位需要一定持久力，原來偏肥嘅人士持久力比較強，真係估佢哋唔到。
相信唔少男士試過唔只一次，女伴聽到你有上床嘅要求，都會話你鹹濕、心邪、滿腦子黃色思想、鍾意上床多過鍾意佢……總之就係被無限上綱。老實講，食色性也，而且男士們其實都係為咗女士好，為咗令佢哋更加健康更加靚女，性學專家Nicole Prause仲話女士們享受高潮，的確有好多益處，當然包括變靚啲。專家表示床戰可以令女士體內嘅催產素以及膠原蛋白生產水平上升，皮質醇水平下降，為肌膚提供抗氧化作用，肌膚都會變得有彈性啲。另外，催產素呢種令人感受愉悅嘅賀爾蒙水平上升，亦會令人特別有自信，自信心強咗成個人都明艷照人啦！專家仲話做愛可以促進血液循環，令營養更容易透過血液運送到個頭，令頭髮更為亮麗及強韌，冇咁容易有脫髮危機。同樣地，血液循環良好，雙唇都會紅潤啲同飽滿啲。男士們以後要好好勸導女伴，令佢哋了解到做愛嘅好處，咁就唔使花咁多錢同時間去扮靚啦！
小弟一向鍾意睇日本AV，除咗鍾意睇班女優點樣同男優激戰，仲好鍾意研究佢哋所用嘅體位，一旦發現佢哋用少見嘅體位，我都會目不轉睛細心欣賞，從中學習一番，以免有需要嘅時候唔能夠喺女伴面前騷哥利。不過話時話，我本人就冇話最鍾意邊個體位，但係女伴鍾意咩體位我就真係要問過至知，至於普羅大眾鍾意邊一招呢？英國人鍾意咩體位就有結果喇。早前，網站dred.com訪問咗2,000個成年英國男女，問佢哋對於體位有咩意見，結果發現受訪男女當中最常用嘅體位係後進式，至於最多人想嘗試喺枱上面激戰。如果將當中嘅男女性別分開，男士最想嘗試嘅係立式69，女士就係砌到上枱。從呢個結果睇嚟，英國男士都幾鍾意尋求刺激以及對自己嘅體力好有信心，因為呢招立式69需要男方將女方倒轉嚟施展，男方一定抱得實至得呀！
小弟早前受過情傷之後，急急問身邊班朋友有冇女仔介紹，等我感情有多少寄託，唔使成日都頭耷耷，眼濕濕啦！不過，佢哋都叫我死咗條心，話我個人咁肥，好難吸引到女仔，鐵口直批一句說話：想拍拖先減肥啦！聽到之後我都想下定決心減肥，不過為咗未來女伴嘅性福着想，都係保持肥胖狀態，因為有研究話肥仔喺床上比較「持久」。
土耳其Erciyes大學早前搵來200名成年男士協助，以了解體形同床上表現有冇關係，結果發現身體質量指數（BMI）比正常偏高，換言之屬於肥胖嘅男士平均嘅床戰時間為7.3分鐘，至於BMI比正常偏低嘅男士床戰時間卻只有1.8分鐘！唔係啩？差咁遠？專家表示肥胖男體內嘅雌二醇水平偏高，而呢種激素會削弱肥胖男喺床戰時得到快感，快感冇咁容易累積到最高點，自然會持久啲喎！
撰文：賢