所謂病從口入，禍從口出，唔小心講錯說話所引起嘅負面影響，有時比食錯嘢更為嚴重。所以日本寫真界女郎為咗保持形象，一般都唔會亂咁發表言論，不過最近巨乳貓娘青山光說出新年願望嘅時候，唔小心透露咗一個秘密，到底係咩呢？
提起日本寫真女郎當中嘅童顏巨乳系女優，相信大家會第一時間諗起被稱為「合法蘿莉」嘅長澤茉里奈，又或者係「仮面女子」前成員天木純，以兩位嘅人氣走勢嚟睇，要成功取代童顏巨乳掌門人篠崎愛嘅地位一定冇問題，但係都要問過青山光至得！
23歲嘅青山光人氣高企，係小弟近期熱捧嘅寫真女郎之一。被稱為「野生兒貓娘」嘅光妹擁有一雙精靈又帶攝人神采嘅貓眼，加上氣質可愛，的確係生得成個「貓樣」，至於係咪人見人愛，就見仁見智喇！之不過，講到身材，光妹呢副超絕品胴體相信男人們一定鍾意，皆因胸前有一對體積碩大嘅I Cup美巨乳，由於身形纖巧，令呢對I奶顯得特別誇張，每次演出寫真時都盡吸男士嘅目光！
青山光喺2013年加入寫真界，佢表示初期唔係咁習慣，因為佢自小鍾意睇動漫，相當熱衷玩Cosplay，一心想靠把聲做個出色嘅聲優，而唔係靠副偈嚟搵食。不過，好彩佢冇做到聲優咋，否則我哋一班麻甩佬就冇得欣賞極品I奶喇！
光妹演出寫真相當落力，出道以來攞過唔少獎項，例如喺「汐留寫真甲子園2014」獲得特別獎，亦喺「專業選出的偶像DVD獎2014」獲得新人獎，成績相當唔錯。喺寫真工作方面，光妹大放異彩，但係佢覺得唔滿足，好想進軍電視界，所以佢嘅新年願望係希望今年可以拍劇或者做節目主持，而唔係做個賣弄性感嘅嘉賓咁簡單。提到做嘉賓，光妹早前喺電視節目《有吉反省會》中表示希望新一年努力洗乾淨個屁股！唔係話去完廁所冇抹乾淨，而係光妹總係覺得自己個屁股唔夠光滑，沖涼嘅時候要擦乾淨表面嘅死皮，拍寫真嘅時候就更加光亮誘人喇！
簡介：從青山光嘅Twitter當中，大家除咗可以睇到好多有關光妹嘅生活點滴之外，亦可以見到佢拍寫真時嘅花絮，好多照片都性感誘人，Click入去一定大飽眼福。
網址：https://twitter.com/hikaru06kon?lang=ja
年齡：23歲
身高：5呎1吋
三圍：37I-24-35
撰文：賢