每逢年三十晚都會一家人聚埋一齊食團年飯，公司亦會搞年夜飯。而日本嘅忘年會就同團年飯性質相類似，早前一班日本AV界嘅雄赳赳男優聚首一堂，大吃大喝之餘，仲爆埋同邊個女優激戰最難忘！
早前日本AV界一班AV男優聚首一堂，大搞忘年會，雖然當晚一個女優都冇，但係班男優一樣玩得盡情盡興。據講男優忘年會每年都會搞一次，今次就有近20名男優出席，包括「魔鬼筋肉人」清水健、「AV界杰倫」東尼大木、森林原人，以及AV OPEN 2016男優獎得主田淵正浩！提到正浩哥當晚就開心喇，因為一眾男優都為佢得獎而深感高興，仲送咗個蛋糕賀一賀佢，認真有心，可以反映出班男優幾咁尊重正浩哥！當大家都飲飽食醉之後，資深男優森林原人突然話：「又係時候一年一脫，剝衫影張大合照留念喇！」於是男優們個個都應聲剝衫，露出或壯或肥，曾經同女優們激烈交纏嘅胴體影大合照。
出席今次忘年會嘅幾乎每一個都係AV男優，點解話「幾乎」呢？因為當中有一位男士確實唔係男優，但係同AV界有密切關係，佢就係宮地謙典喇！作為演員嘅謙典亦係資深AV迷，近年更加積極地為大家報道AV界嘅最新消息，於是湧住去男優忘年會為大家直擊報道。由於謙典哥同班AV男優非常熟落，好容易就混入人群當中，仲搵咗幾位男優探討一下佢哋嘅心路歷程，以及邊一個AV女優令佢哋最難忘。
原人嘅首選就係涉谷系女王AIKA喇！原人話女優嘅私生活好多都唔正常，更加有好多喜愛夜蒲，遇過唔少女優嚟到片場仲未瞓醒。而AIKA雖然睇落似Wet妹，但係每次喺片場見到AIKA都係精神奕奕，原因係AIKA知道第二日要工作，前一晚就會作充足休息，可見其工作態度幾咁專業。喺床上合作方面，原人大讚AIKA主動又眉精眼企，原人郁吓條尾，AIKA就知佢想轉玩邊個花式，夠醒目，合作起嚟完全冇壓力。最近森林原人忙於搞網站libidolib.com，呢個網站主要係提供性健康資訊，宣揚反性暴力、預防性病以及避免意外懷孕嘅正面訊息。
男優寶號：森林原人
年齡：37歲
入行年資：17年
化名54嘅男優除咗拍AV，仲係綜合格鬥選手，難怪身材如此健碩，睇嚟女優遇到54時都要打醒十二分精神，以免被砌到散晒喇！54話令佢印象最難忘嘅係有「彩美旬果接班人」之稱嘅長谷川瑠衣。瑠衣好可愛仲好好笑容，而且夠專業，面對猛烈進攻時，識得一邊以下身迎合動作，一邊錫錫，而錫錫嘅動作並非預先安排，反映出瑠衣為咗令交歡場面更加精彩而加插即興演出，抵讚！
男優寶號：54
年齡：40歲
入行年資：15年
畑中哲也喺過去一年因為痔瘡以及膝蓋半月板需要做手術，停工一段日子，轉為負責指導一眾素人男優，不過班素人男優好多都缺乏性經驗，令哲也火都嚟埋，寧願自己親身上陣好過。至於邊個女優令哲也最難忘，之唔係可愛魅力爆燈，有「暗黑橋本環奈」之稱嘅凰香奈芽。咪睇阿妹年紀輕輕，對於床上演出相當有計劃同準備，好多時都會主動帶領，令大家都可以盡情又放心咁享受床戰。
男優寶號：畑中哲也
年齡：43歲
入行年資：16年
Tsussan原本係上班族，後來轉行做AV男優，收入唔錯之餘，最重要就係好多AV廠都會即日支薪，唔使畀人拖糧。作為熟女系作品常客，本身亦係熟女愛好者嘅Tsussan，最難忘嘅女優係成宮彩葉，原因係阿妹記性好好，事隔一年再喺床上見面，仲記得佢個名，而且態度好親切，中場休息食飯嘅時候大家有傾有講，彩葉更同Tsussan分享自備嘅飯菜，呢種賢妻滋味的確令人回味。
男優寶號：Tsussan
年齡：不詳
入行年資：14年
撰文：賢