路係人行出嚟嘅，前途唔夠人平坦惟有靠自己，雖然未必一定行得通，但總好過乜都唔做，最後被市場淘汰！喺四仔界中，假如你欣賞女大導Holly Randall拍四仔拍到開班、欣賞籮霸Alexis Texas堅持唔同黑人搞嘢都可以做一姐、欣賞女神Dani Daniels為藝術犧牲，最後成功開個人畫展，咁巴打就要欣賞埋小眾脫星Anastasia Pierce，阿妹靠自己努力開設製作公司，又畀佢殺出一條血路，好嘢！
假如你問我歐美四仔界有幾多個唔靠包裝、唔靠出賣自尊、唔靠人工添加都可以企得穩嘅，相信一隻手都數得晒，證明外界對於脫星努力與否根本唔在意，睇四仔純粹為追求娛樂「性」，只要囡囡滿足到班老細，就保證有運行！但總有人唔係咁諗，要忠於自己，要將個人認為最正嘅色情帶畀大眾，Anastasia Pierce就係呢類人，由2002年開始，佢努力咗14年，今日終於捱出頭來，有個人製作公司「Anastasia Pierce Productions」，唔單止自己製作四仔，亦為有志加入脫星界男女提供收費式網頁設計、形象顧問、廣告策劃、拍攝短片及色情顧問等等，但凡同行頭有關嘅都會提供服務，比起上咗位有啲分量嘅脫星順理成章開經理人公司，Anastasia Pierce就辛苦得多，更真心得多！
據資料顯示，原來阿妹呢間製作室早喺2010年創立，可惜同阿妹一樣冇人理，無他嘅，Anastasia Pierce外形唔索，人氣唔高，為人低調唔跟主流走，堅持做番自己，所以任佢再努力出現喺各大性博覽宣傳，平日自拍幾多性愛短片掟上網，喺社交網分享幾多性愛樂趣，最後都係得個做字！
唔認識Anastasia Pierce嘅四仔迷會覺得佢跟風，學英國神級脫星Tanya Tate玩Cosplay四仔，查實講出道Anastasia Pierce比Tanya更早，玩性愛Cosplay更加早，之不過阿妹唔買片廠帳，係要扮演自己鍾意角色，又唔主動出擊，即係自High，所以Cosplay女王呢個朵拱手相讓畀人囉！Anastasia Pierce自家製作嘅Cosplay四仔絕不比Tanya姐差，無奈只係一間蚊型公司，欠缺宣傳又少網站售賣佢嘅四仔，所以你冇睇過佢嘅作品一啲都唔奇，除非你Keep住睇Anastasia Pierce嘅官網啦！而阿妹扮演星戰莉亞公主、貓女、神奇女俠係家常便飯，但扮得最多係吸血殭屍，未知係咪同佢有鋪愉虐癮有關，皆因Anastasia Pierce扮乜都事必有愉虐元素，所以話佢係小眾脫星唔係老屈，膠衫膠褲、皮鞭、鐵鏈等道具每次都有出現，加埋惡搞角色，的確唔係人人接受到！但你咪理，唔靚又冇人撐腰，連獎都未攞過嘅Anastasia捱足14年，一直都冇懷疑過自己品味，今日佢夠膽開製作公司向大型片廠挑機，嗰份自信同勇氣，其他所謂一姐都要彈埋一邊！
撰文：祖