日本寫真界美女雖多，但係能夠散發出迷人又性感魅力嘅其實唔係好多個。而喺小弟心目中嘅魅力女神除咗樣靚身材正，舉手投足都能夠攝人魂魄，實在驚為天人！好似今日為大家介紹嘅淺倉結希以及杉本有美咁，大家欣賞兩位演出時，小心畀佢哋吸走魂魄呀！
日本AV界每年都有女優引退，但係寫真界就鮮有發生，因為好多寫真女優雖然消失咗一段日子，其實佢哋唔係話唔再拍寫真，而係因為忙於從事其他演藝工作，例如拍戲，相隔一段日子後，佢哋就會拍番寫真再次向大家展露性感一面，而且比往日更見迷人，好似淺倉結希咁。淺倉結希今年28歲，喺2008年加入寫真界。結希天生麗質，一副散發出甜美親切感嘅標致五官相當吸引，個人最欣賞阿妹嘅清爽短髮，令人精神煥發。身材方面，結希胸前一對E奶，配合一身雪白美肌，亦一樣令男人精神一振！喺寫真界打響名堂之後，結希轉向電視界發展，最為人熟悉嘅演出就係為資訊節目《大丑之分歧》做記者喇。喺電視界忙咗兩年之後，今日結希終於回歸拍水着寫真，寫真映像作品《忘れな草》就係其最新作品。當中結希將醞釀咗兩年嘅性感魅力完全發放，所着嘅泳衣同內衣都係剪裁貼身又露出度高，期間做出好多極具挑逗性嘅動作，例如向鏡頭展露三角地帶，又嚟個真空上陣只用雙手遮胸，加埋阿妹騷味十足嘅表情，無比誘惑！
碟名：《忘れな草》
收錄時間：107分鐘
售價：約HK$316
唔少女星被稱為美人，甚至係女神，老實講小弟真係唔多認同，佢哋根本未見過「大蛇屙尿」！大家欣賞過杉本有美就會知道何謂真正女神喇！27歲嘅杉本有美係模特兒出身，後來殺入寫真界發展並成功上位！有美可謂人如其名，靚到唔可以單用個「美」字嚟形容，稱佢為「絕色之美」就最適合，氣質脫俗出塵，一顰一笑都令男人為之神魂顛倒，甘心情願為佢上刀山、落油鑊！有美面孔美艷絕倫，身材亦堪稱一絕！身高5呎7吋，高挑又腿長，體態凹凸有緻兼且肌膚白裏透紅，渾身上下都咁誘人，呢啲咪就係女神囉！而呢位女神嘅最新寫真映像作品《part of me》去到夏威夷取景拍攝，可能受到當地嘅熱情氣氛感染，阿妹表現得零舍熱情奔放，打扮性感又誘人，更重要嘅係有美又打波又游水，玩到好似細路女咁款，天真燦爛嘅笑容令觀眾都感到樂而忘憂！另外，有美不時發出嗲聲，誘人聲音配上誘人畫面，雙層享受一定令大家睇到入迷！
碟名：《part of me》
收錄時間：78分鐘
售價：約HK$316
撰文：賢